كلية السياحة والفنادق
اهلا بيكم في مبادرتنا #خبرتي_تشهد.
مستمرين معكم ومشاركتكم لخبرتنا وهنتكلم عن كلية السياحة والفنادق.
تعال الاول كده نعرف شوية معلومات عن الكلية:
هى كلية تدخل دراستها فى مجالات السياحة والفنادق و الارشاد السياحى.
-- الجامعات الحكومية الموجود بها الكلية:
توجد كلية السياحة والفنادق بـ 8 جامعات حكومية وهم:
الإسكندرية،
والمنصورة،
والمنيا،
وحلوان،
والفيوم،
جامعة قناة السويس بالإسماعيلية،
والمنوفية بمدينة السادات،
-وجنوب الوادي بالأقصر.
*بالنسبة بقي لأقسام الكلية:
1- الدراسات سياحية.
2- الدراسات الفندقية.
3- الارشاد سياحى.
شروط قبول الطالب بالكلية:
1- أن يكون الطالب حاصل على مجموع 70% (35 من 50 ) على الأقل فى اللغة الأجنبية الأولى.
نظام الدراسة:
1- مدة الدراسة لنيل درجة البكالوريوس أربعة سنوات مقسمة إلى ثمانية فصول دراسية على أن تكون نتيجة السنة الدراسية وحدة واحدة تعلن فى نهاية العام.
2- يعتبر الطالب ناجحاً إذا حصل على 50% من مجموع درجات كل امتحان، الطالب الذى يرسب فى أكثر من مقررين يبقى للإعادة.
3- فى بعض الجامعات زى جامعة الحلوان والمنصورة يكون التحصص فى القسم من السنة الاولى.
وفى البعض الاخر زى جامعة اسكندرية يكون التخصص فى القسم من السنة التانية على حسب تقديرات المواد.
نبذة عن الاقسام:
1- الدراسات السياحية:
هو قسم يقوم بدراسة علم السياحة و اعمال شركات السياحة وشركات الطيران وكل شىء يخص السياحة بجميع انواعها.
2- الدراسات الفندقية: تقوم الدراسة فيه على ثلاثة اشياء وهم :
الأول: إدارة الفنادق ويقوم الطلاب بتعلم كيفية إدارة المنتجعات السياحية - الأغذية والمشروبات - خدمة الغرف - المكاتب الأمامية.
ثانياً: الأغذية والمشروبات f&b يقوم الطلاب بدراسة قوائم الطعان وتقيمها - مراقبة الأغذية والمشروبات - كيفية الطهو الفندقى وأسسه.
ثالثاً: التسويق يقوم الطلاب بدراسة الإقتصاديات التسويقية لمختلفة المنشآت السياحية - عمل دراسة جدوى لإنشاء مشروع سياحى - دراسة النواجى المالية لإدارة المشاريع السياحية.
3-الارشاد السياحى:
تقوم الدراسة فى هذا القسم بتعريف الطلبة بجميع الحضارات المختلفة التى عاصرتها مصر كالحضارة الفرعونية والاسلامية.
كما يقوم القسم بتعليم الطالب اللغة المصرية القديمة وطريقة كتابتها ومدى أهميتها فى شرح المعالم المصرية القديمة.
يقوم القسم بإعداد رحلات دراسية تعليمية للطلبة لزيارة المواقع الأثرية المختلفة فى كافة أنحاء مصر (أسوان - الأقصر - القاهرة - ...) وتعليم الطلاب كيفية التعامل مع السائحين المصريين والأجانب كمرشدين سياحين وكيفية التواصل معهم فى الواقع العملى.
ملحوظة : فى قسم الدراسات السياحية وقسم الدراسات الفندقية يتم تدريس لغتين طوال الاربع سنين يختارهم الطالب من بينهم اللغة الانجليزية اما فى قسم الارشاد السياحى فأغلب المواد باللغة الانجليزية بالاضافة الى اللغتين.
و كمان ان اللغتين مبيدرسوش بعمق جامد اوى زى الكليات المتخصصة فى اللغات (زى كلية الالسن مثلا) ولكنها بتدرس اللغات كمقررات فرعية بجانب مقررات القسم اللى بتختاره وكمان انت لازم تعمق لغتك عن طريق الكورسات او اى حاجة تانية بقدر الامكان لانك لازم تتخرج من الكلية دى وانت معاك على الاقل انجلش .
التدريب الصيفى:
يقوم طلاب الكلية بالتدريب فى الصيف فى احدى شركات او مكاتب السياحة أو وكالات السفر او شركات الطيران بالنسبة لطلبة قسم الدراسات السياحية .
وفى الفنادق او المطاعم او القرى السياحية بالنسبة لطلبة قسم الدراسات الفندقية .
وزيارة الاماكن السياحية و الاثار المصرية والفرعونية بالنسبة لطلبة قسم الارشاد السياحى .
-- وعلى فكرة التدريب ده يعتبر فى كلية السياحة والفنادق مادة نجاح ورسوب ولكنها لا تضاف الى المجموع الكلى.
عشان كده لازم تهتموا بالتدريب ده كويس وكمان بيديك خبرة عشان فرصتك فى التوظيف تكون اكتر لان معظم سوق العمل فى السياحة بيطلب الخبرة السابقة.
مجالات عمل الخريجين:
-- خريجى قسم الدراسات السياحية تتضمن:
1- شركات السياحة:
قسم "Operation" تنفيذ البرامج السياحية.
قسم السياحة الداخلية - قسم السياحة الدينية (الحج والعمرة).
قسم السياحة الخارجية - قسم الحجز (برى- بحرى - طيران).
قسم الطيران بالشركة او حجز تذاكر الطيران
2- شركات الطيران.
3- في المطارات في الضيافة الجوية.
*** ويمكن ان يعملوا كمرشدين سياحيين اذا حصلوا على دبلومة ارشاد سياحى لمدة سنتين وممكن تبقى سنة واحدة زى دبلومة الارشاد اللى فى كلية سياحة وفنادق المنصورة.
-- خريجى قسم الدراسات الفندقية:
مطلوبين بشدة فى مصر والدول العربية وبيترقوا بسرعة ومرتباتهم حلوة برضو و كل ما تثبت نفسك فى الفندق اللى انت بتشتغل فية بيعلى مرتبك وتحصل على منصب اكبر
.
وعشان تتوظف بسرعة وبمرتب اكبر يفضل اللى معاهم خبرة سابقة ولغات وياريت تاخد الخبرات دى من وانت فى الكلية او فى التدريب الصيفى.
-- خريجى قسم الارشاد السياحى:
بيشتغلوا مرشدين سياحين و ممكن يشتغلوا مدرسين فى اى لغة وخريجى هذا القسم بياخدوا رخصة الارشاد فور تخرجهم من الكلية وعلى فكرة الرخصة دى هى الاثبات الوحيد للمرشد السياحى انه مقيد فى نقابة المرشدين السياحيين.
اما بالنسبة لمرتباتهم فتبقى حسب اللغات اللى معاك وكل ما يبقى معاك لغة نادرة زى اليابانى او الصينى بتاخد فلوس اكتر وعالعموم مرتب المرشد السياحى بيتراوح ما بين (3000 الى 6000 جنية او اكتر ) وممكن تقل عن كدة لو معاكش لغة نادرة.
وبكده نكون غطينا كل المعلومات عن كلية السياحة الفنادق ولو عندك اي سؤال اكتبه في كومنت او ابعتلنا علي رسايل الصفحة.
متنساش تدعم مبادرتنا وتعمل لايك وشير لصفحتنا ومنشن لكل اصحابك.
زرونا علي صفحتنا علي الفيس بوك:
/ 5bratyta4had
متنساش تعمل لايك للفيديو وكومنت باي سؤال واحنا هنجاوبك وكمان شير للفيديو علشان يوصل لاكبر عدد من الطلاب.
#خبرتي_تشهد
Негізгі бет كل ماتريد معرفته عن كلية السياحة والفنادق | خبرتي تشهد #13
Пікірлер: 196