كلنا من حرب والي شقر نكسر عصاه
مهداه الى؛ مشاري بن عديس الشعيفاني
كلمات ؛ مشاري ملفي الوسيدي
اداء ؛ العذب الجديد
تصميم ؛ سهم حرب
#حرب #طرب
نجتهد بكتابت الجزل والصعب نحداه
لين يركد غصب ويطيع معنا ويهدا
نحتمي سوق الفرايد ونرفع مستواه
والهزيله مالها عندنا صوت وصدا
مايغر الشاعر المنحرف غير اشوراه
يدفعونه للمنابر على غير القدا
ياتقدم تطرب الناس وتشد انتباه
ياتجنب ساحة الشعر يضعيف الجدا
ياقصيدي غصت بحر القصيد اليا مداه
اسبحه لعيون دره ولاراحة سدا
درتن توضيفها يبهر عقول الدهاه
تبهر بحسن التراكيب وبحسن الادا
صغتها في طيبن ياعسا الخيب فداه
واحدن طيبه مايلحق له ابعاد ومدا
يامشاري ذخر ربعه ونوماس اخوياه
لايهمك هرجت ضعيف وهروج حسدا
طيبك معدي ولانقدر نوفي جزاه
لك معاريفن كبر قطن واجبال الهدا
شاعرن رد الجمايل وطيبك مانساه
ماتناسيت المعاريف لو طال المدا
يوم حدتني مقادير وقتي والحياه
واكثر الاصحاب صارو على جنب وحدا
جيته بسلم القبايل وفي وجهن وجاه
ومن مشا حسب التقاليد ماجاه الردا
قدر الشرهات والموقف الصعب احتماه
صار من زود الطناخه بطيبه يقتدا
اعتزى في عزوتن ترمز لجده واباه
عزوتن ياحض من وقفو معه سندا
الشعافين اسمهم عانق الجدي بسماه
فعلهم بسيوفهم طش قاده واعقدا
قلتها وافعال ربعي لها ثقل وطراه
الخوي نفداه وارواحنا دونه فدا
والدخيل اليا زبنا يبشر بالنجاه
ننتخي دونه وبالسيف نلعب ونحدا
كلنا من حرب والي شقر نكسر عصاه
عزوتن تقلط على الموت وتهين العدا
والقبايل من جهل حقهم لا واعناه
الضلايم دربها شين مامعه معدا
وشعبنا واحد وللعاهل يجدد ولاه
والقلوب نضاف ماناشها زيف وصدا
ابتديت القاف والبيت هذا منتهاه
وختمتي للقاف ترمز لقوة مبتدا
Негізгі бет كلنا من حرب والي شقر نكسرعصاه |مشاري ملفي الوسيدي & العذب الجديد 2022 مهداه الى مشاري عديس الشعيفاني
No video
Пікірлер: 24