з албуму «Там на Лемковині»
z albumu „Tam na Łemkowynie“
Коло мойой заградочкы
Гарні сонце сьвітит
Посіяла моя мила
Розмаітых квітів
Посіяла, заграбала
Гарда ружа зышла
Сама до ня моя мила
До касарні пришла
Як-єс пришла то сой сідай
На мою пісьцільку
Жебы камаратя знали,
Же я мам фраірку
Ганця сіла и заснула
До рана білого
Рано встала, заплакала
Же єй болит глава
Як-єс знала, же тя болит
Было мі повісти
Зараз бым ти пришикував
Дохторя на мисци
Дохтор пришов, Ганцю збадав -
Хтора-с Ганцю хвора
Почекай лем до вечора
Буде хлопец або цура
А як дас мі Бог хлопчыка
Зіднам йому няньку
Няньку, няньку и кухарку
Ищы покоівку
А як мі даст Бог дівчатко
Куплю му фартушок
И рукавичкы на ручкы
И злотий ланцушок
Koło mojoj zahradoczki
Harni sonce s'wityt
Posijała moja myła
Rozmaitich kwitiw
Posijała, zahrabała
Harda ruża ziszła
Sama do nja moja myła
Do kasarni pryszła
Jak-jes pryszła to soj sidaj
Na moju pis'cilku
Żebi kamaratja znały,
Że ja mam frairku
Hancja siła y zasnuła
Do rana biłoho
Rano wstała, zapłakała
Że jej bołyt hława
Jak-jes znała, że tja bołyt
Biło mi powisty
Zaraz bim ty pryszykuwaw
Dochtorja na myscy
Dochtor pryszow, Hancju zbadaw -
Chtora-s Hancju chwora
Poczekaj łem do weczora
Bude chłopec abo cura
A jak das mi Boh chłopczika
Zidnam jomu njańku
Njańku, njańku y kucharku
Yszczi pokoiwku
A jak mi dast Boh diwczatko
Kupłju mu fartuszok
Y rukawyczki na ruczki
Y złotyj łancuszok
Негізгі бет Коло мойой заградочкы: Юлія Дошна | Koło mojoj zahradoczky: Julia Doszna
Пікірлер: 2