Сыр сахнасында «Салтанат» мемлекеттік би ансамблі өнер көрсетті! Бекзат өнердің биігінде жүрген ансамбль аймаққа араға 11 жыл салып келіп отыр. Гастролдік сапардың мақсаты - елге рухани азық сыйлау. Оған қоса, бұл сапардан түскен қаржы су тасқынынан зардап шеккен жандарға көмек ретінде беріледі.
Қазақ би өнерінің өрісі өткен ғасырдың бел ортасында қайта жанданды. Әйгілі балет әртісі, профессор Зәуірбек Райбаев негізін қалаған «Салтанат» би ансамблі бұған үлкен үлес қосты. Келер жылы өнер ұжымы 70 жылдық мерейтойын атап өтеді. Осыған орай ансамбль өңірлерге гастролдік сапарын бүгіннен бастап кетті. Сол сапардың алғашқысы Сыр елінен бастау алды.
ҚУАНЫШБЕК ТӨЛЕГЕН - «САЛТАНАТ» МЕМЛЕКЕТТІК БИ АНСАМБЛІНІҢ КӨРКЕМДІК ЖЕТЕКШІСІ // «Сыр елі - жыр елі» деп жатады. Қызылордада би өнерін өте қатты құрметтейді десем, қателеспеймін. Сапарымыздың мақсаты өскелең ұрпақты, еліміздің болашағын рухани дамыту, мәдени өркендету мақсатында келіп отырмыз.
Ансамбль алға қойған мақсаттың бірі жергілікті өнер ұжымдарымен тәжірибе алмасу. «Томирис» би ансамблінің жетекшісі мұндай шеберлік сабағының берері мол» дейді.
ГҮЛБАНУ МЫРЗАБАЕВА - «ТОМИРИС» БИ АНСАМБЛІНІҢ ЖЕТЕКШІСІ //«Томирис» би ансамбліне арнап бір жаңа би қойылымын қойды деп айтуға болады. Өте керемет тәжірибе алмасу болды.
Қазір ансамбль құрамында 60-қа жуық балет әртісі өнер көрсетеді. Ансамбль репертуарында ұлттық хореография мен әлем халқының би мәдениеті кеңінен көрініс тапқан.
// Біз Салтанат би ансамблінің бүкіл репертуарын білеміз. Өзімізге тәжірибе жинау үшін келдік.//
// Жақсы өтті. Жақсы биледі. Әр ұлттың билерін биледі. Би ұжымына алдағы уақытта табысты еңбек тілеймін.//
Өнер ұжымы көрерменге рухани азық сыйлаумен қатар, елдегі ахаулды ескеріп, игілікті іске ұмтылған. Яғни, гастролдік сапардан түскен қаражат су тасқынынан зардап шеккен жандарға көмек ретінде «Biz Birgemiz Qazaqstan» қайырымдылық қорына аударылады.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv
Негізгі бет Концерттен түскен қаражат су тасқынынан зардап шеккендерге бағытталады
Пікірлер