მსახიობმა იმედა კახიანმა კერძო აღსრულების ბიუროს წარმომადგენელს და სახლის მეპატრონის ნატალი ჭეიშვილის ადვოკატს სიტყვიერი შეურაცხყოფა მას შემდეგ მაიაყენა, რაც უზენაესი სასამართლოს გადაწყვეტილების საფუძველზე კერძო აღმასრულებლებმა კახიანებს სახლის დაცლისაკენ მოუწოდეს.
იმედა კახიანის ოჯახსა და ნატალი ჭეიშვილს შორის საკუთრებაზე დავა რამდენიმე წლის წინ დაიწყო.
კახიანები 2004 წლიდან, ექვსი თვით, ჭეიშვილის ბინაში კორპუსის ამხანაგობის თხოვნით შესახლდნენ.
როგორც ბინის მესაკუთრე ნატალი ჭეიშვილი ჰყვება, 2004 წელს, ახალ აშენებულ კორპუსში, ამხანაგობის თხოვნით, ბინა კახიანებს დაუთმო. სანაცვლოდ კი ამხანაგობამ ბინის რემონტი გააკეთა. ვადის ამოწურვის შემდეგ კი, კახიანებმა ბინა არ გაათავისუფლეს, რის შემდეგაც ბინის მეპატრონემ სასამართლოს მიმართა და კანონიერი გზით ეცადა საკუთარების უფლების დაცვას.
უზენაესმა სასამართლომ, 2013 წლის 12 აპრილს, ძალაში დატოვა საქალაქო და სააპელაციო სასამართლოს გადაწყვეტილებები, რომლის მიხედვითაც, კახიანებს ბინის გათავისუფლება დაევალათ.
როგორც მესაკუთრე ამბობს, კერძო აღმასრულებლები, უკვე 30 ივლისს იმედა კახიანის ოჯახს იძულებით გამოასახლებენ.
კახიანები ამ საკითხზე კომენტარს არ აკეთებენ.
Негізгі бет ქონებრივი დავა კახიანების ოჯახის წინააღმდეგ
Пікірлер