مطار كانساي العائم يغرق و في سنه 1987 بدأ انشاء اضخم جزيره صناعيه في العالم في خليج اوسكا اللي الميه فيه عميقه علي انشاء جزيره يعني تقريبا من 18 ل 20 متر عمق و المطار هيكون علي بعد 5 كم من الساحل و علي مساحه 1.2 كم * 4 كم
قاع خليج اوسكا بيتكون من الغبار الرخو و ده معناه التربه ضعيفه يعني و بتهبط
و لحل المشكله دي لجأ المهندسين لاستخدام اسلوب جديد لتجفيف الرمل عن طريق امتصاص الماء منه و اغراقه مره تانيه لتشكيل ارضيه الاساس للمطار
و لانهم متوقعين ان الجزيره هتعرق شويه تم اضافه سماكه مترين من الردم عند القمه و لان اليابان في منطقه زلزاليه و بتتعرض لفياضانات كتير بنوا جدار بحري حاجز بطول 11 كم من القوالب الاسمنتيه و اللي بيه تم رسم ملامح الجزيره و اعتبروا الحاجز ده كافي انه يحجز المياه و يمنعها من غرق الجزيره
و بعدين نقلوا 180 مليون متر مكعب من التربه و فضوها حولين نطاق الجدار و الكميه دي ضخمه لدرجه انها كفايه لبناء 70 هرم خوفو
و اول ما ابتدت الجزيره تظهر علي سطح الميه بدأوا بانشاء محطه المسافرين لانها كانت لازم تكون وزنها خفيف بحيث تخلي تلبد التربه اللي هو تداخل التربه يعني في حدها الادني و ده عشان لو وزنها تقيل هيكون الهبوط عندها اكتر من باقي الجزيره و بالتالي يحصل شروخ في الجزيره
فقام مهندس اسمه رينزوا بيانو بتصمم المحطه علي شكل جناح من الفولاذ و الزجاج المقوي و تعتبر التركيبه الفريده دي واحده من اضخم المباني المكونه لغرفه واحده في العالم
و طالما مطار في الميه فأنت محتاج حاجه تنقل الركاب و السيارات اللي فيها شنط الركاب لممكان وقوف الطياره فكان الحل هو بناء جسر سكاي جيت اللي بيعتبر اطول جسر بمسارين في العالم بطول 3750 متر الجسر بيتكون من 6 حارات في للسيارات في الاعلي و طريقين للسكه الحديد في الاسفل و بيضمن مرور القوارب من تحته و علي ارتفاع كاف لتحليق الطائرات من فوقه و بتكلفه مليار دولار و تم افتتاحه في 1991
المشروع اللي كلف 15 مليار دولار
مدخل المطار من كتر ما هو عالي اليابانيين بسموه الوادي ده لان ارتفاعه 30 متر و طول 300 متر في 88 سلم متحرك و 92 مصعد و من لحظه وصولك لمغادرتك تستغرق كل بوابه 90 ثانيه و جه بفضل القطار السريع اللي هينقلك لكل مكان في المطار و انت بقي مستني الطياره هتلاقي اماكن الانتظار كلها نوافذ زجاجيه حوالي 5000 نافذه عملاقه مثبتين بمفاصل مرنه عشان تقدر علي مواجهه قوه الطبيعه
الطيارات بعد كل رحله بتحتاج لصيانه و تشيك علي الوقود و تزويدها و ده في مطار في عرض البحر هيكون اصعب من اي مطار تاني لكن كان الحل ان ناقلات السفن و هي معديه في البحر كانت بتزود المطار بالوقود و طالما في وقود في مكان يبقي المكان ده و معرض للاشتعال و هنا المهندسين كانوا عاملين حسابهم ان الجزيره دي ممكن تغرق او تهبط ده بالاضافه طبعا لالزلازل اللي اليابان مشهوره بيها و عشان كده المهندسين صمموا مواسير متعرجه ذات مفاصل مرنه تمر اسفل الجزيره لمنع تمزقها او حدوث تسريب عند تحرك الارض
و فاكر لما قولتلك ان الرمل اللي ف التربه كان بيتم تجفيفه و رميه مره تانيه الا ان كان في طبقات عميقه مقدروش يجفيفوها و طالما التربه مش كويسه يبقي ممكن يحصل ايه يا عزيزي ؟ برافو عليك هبوط
المشكله انهم مكنوش قادرين يعرفوا بالظبط مقدار الهبوط المتوقع للتربه دي فتم تقدير ان الجزيره هتهبط حوالي 5.7 متر في خمسين سنه و لكن و مع بدايه سنه 1999 الجزيره غرقت 8 متر و السؤال المهم ساعتها هل كده خلاص يعني المطار اللي مكملش 5 سنين ده انتهي و كلها سنتين تلاته و يغرق كله ؟
لكن اليابانين فكروا في حل بدائي بس اهو حل و هو عباره عن استخدام رافعات هيدروليكيه بين الاعمده و الارضيه و بعدين وضع صفائح معدنيه لزياده ارتفاع الارضيه و اعادتها للمستوي السابق مجددا يعني الجزيره هبطت و المباني فوق الجزيره انا هاجي علي العمود اللي فوق الجزيره و ارفعه مقدار الهبوط بتاع الجزيره و بكده يكون المبني زي ماهو
و تم عمل التمديدات و التكيف كله في السقف مفيش حاجه في الارضيات عشان لما المبني يترفع مفيش حاجه تتقطع و تبوظ لكن ده مش حل جذري لان الجزيره نفسها هتغرق مع اول اعصار
و المشكله الاكبر مش بس المباني ده مدرج الطيارات نفسه لو فضلت التربه تهبط هيغرق و المصيبه كانت هتكون اكبر و اعنف لو الهبوط مش متساوي في الجزيره لكن لحسن الحظ ان الهبوط كان تقريبا متساوي و بالتالي المهندسين كانوا راضيين
الهبوط بتاع الجزيره بعد ما وصل من 50 سم في السنه سنه 1994 ل 7 سم في 2008 و ده اللي خلي السلطات اليابانيه اعلنت انها مسيطره علي الوضع
قرروا انهم يفكروا في تنفيذ مدرج تاني و مضاعفه عدد المدراج يعني مضاعفه عدد الرحلات و معناه برضو مضاعفه ايرادات المطار
و انشاء مدرج جديد معناه انشاء جزيره جديده و اللي بدأ فعلا في سنه 1999 هنا تم عمل المدرج بطول 500 متر زياده عن المدرج القديم عشان تدي اريحيه اكبر للطيارات
و برغم ان المهندسين بقوا اكثر خبره لان دي تاني جزيره ينفذوهوا لان ظهرت مشاكل جديده زي ان الجزيره الجديده بقت ابعد عن الارض و بالتالي المياه اعمق يعني تربه رخويه اكتر و اللي ممكن يغرق الجزيره الجديده 6 متر زياده عن القديمه و من هنا قرر المهندسين ابعاد الجزيره الجديده 200 متر عن القديمه عشان هبوط الجديده لا يؤثر علي الجزيره القديمه
عشان يوصل مساحه المطار الكليه 2600 فدان و بتكلفه المطار وصلت ل 20 مليار دولار عشان بكده يكون واحد من اغلي الانشاءات في تاريخ الهندسه المدنيه
للدعم علي Patreon
/ kunsaeed
للتواصل من خلال الايميل
creativeengineeringas2020@gmail.com
للمتابعه علي :
انستجرام
/ ahmed_saeed9421
صفحه الفيس بوك
www.facebook.c...
جروب الفيس بوك
www.facebook.c...
تويتر
/ kun_saeed
#
#
#Creative_Engineering
Негізгі бет Ойын-сауық كيف غرق أغلى مطار في العالم؟
Пікірлер: 72