جديدة معاك ربي يوفقك ان شاء الله انا عندي مصروف يومي لي هلكني دايرة ميتين الف لكل اسبوع للخبز حليب و ساعات لبن او رشتة او فرماج او كاشير قاطو او ياووغت ... ولادي صغار مع العلم عائلة متكونة من 5 اب ام و 3 اطفال 14 و 7 و 5 سنوات
انا قائمة المشتريات الشهرية تاعي تابتة تاني لاكن القائمة تاعي كبيرة اكثر عندي العجائن 6 و طماطم مصبرة وحدة كبيرة و خل و زيت سكر ملح طعام خميرة )خبز و قاطو) و قهوة و شاي و ارز و فرينة و دقيق و علبة مربى كبيرة و كاين اشهر نشري كاكاوو و مايزينة و سكر قلاسي و بقوليات و مواد التنظيف ايزيس مواعن و صابون للحوايج و جافيل و شهر صانيبو و شهر اخر علبة البثراء و زوج علب باستي للناموس و كوسمتيك شامبو جال دوش ابري شامبو فوط صحية بابيي جينيك حجم كبير و معجون اسنان و ديوو و كاين شهر نجيب رازوار و شهر لالا . انا هادو اساسيات عندي و زيدي نجيب جبن و ياووغت و قاطو باش نقس من مصروف الاسبوع الاول و الله غير جيني مليون و كي نشري بقوليا في الشتاء جيني اكثر ما عرفتش واش نقدر نقص باش جيني اقل
Пікірлер: 8