يا بيوت الشعر قولي على مبدا السطور
مرحبا باللي حضر من قريب و من بعيد
مرحبا مليون حياكم الله يا حضور
ما يكفي لو نزيد التراحيب و نعيد
عن غلاكم لو نعبر عن اللي في الصدور
باحت القعدان من كل قاع و كل بيد
احتزم ياخوي و افرح و خلك في سرور
اسعد الاوقات عندي ليا شفتك سعيد
في فرحك اليوم ياخوك روادني شعور
فرحتن تسوى الليالي و تسوى يوم عيد
يا محمد يا حزامي بعسرات الامور
ذاخرك شيكن مصدق و مليانن رصيد
ياما مرتنا الشدايد و كنت ألها صبور
ما نحسّب للصواديف دامنك عضيد
ماهي بصدفه ليا صرت بالنعم مخبور
اخذ مني زبدة الهرج و العلم الاكيد
امش يا محمد مع الناس معتزن فخور
لا ذكرت انك ولد راعي الفعل الحميد
الكرم و الدين و الطيب و القلب الطهور
جامعن دين و مراجل عسى عمره مديد
ايه ابوي اللي مكانه مع طوال الشبور
و التواضع زين ولا ترى عنهم يزيد
زايدن بالاسم ماهو كبر ولا غرور
اسم ابوه محمد اللي على القمه وحيد
شايبن فيه الحميا لها وقعن و دور
ان بدا اللازم تشوف لشبابه يستعيد
منزله منصى و مضياف دايم و معمور
مجلسن يجمع هل الطيب و الراي السديد
بارك الله يوم جاء له رجالن كالصقور
ايه عماني حزامي لاجاء اليوم الشديد
و ان تعزوى كنك تشوف بارود يثور
لا تعزوى باسم ربعه هل المجد التليد
لابة الكرزان و الاسم دايم في ظهور
ظاهرن بالطيب ماضي و حاضرنا الجديد
سطروا مجدن يخلد على قب المهور
اسم ثابت فالتواريخ لا يمكن يحيد
من فعايلنا تعشى الذيابه و النسور
يومها بمصامخ الروس و بطق الحديد
و القبايل كلها كفو مافيها قصور
عايشين اليوم و اخوان في امن ورغيد
Негізгі бет لابة الكرزان 2024 | عبدالرحمن بن هزاع - فالح بن فصلا
Пікірлер: 2