لادا ٢١١٠
واحده من اصدارات شركه افتوفاز الروسيه وهي تطوير ل لادا ٢١٠٥ و ٢١٠٧ لكنها بتختلف عن اي موديل انتاج روسي في التصميم ودا لانها بتيحي بخطوط انسيابيه بمنحني في الجزئ الامامي دا غير اختلافات تانيه في التصميم
لادا ٢١١٠ بتنزل ب شكل واحد سيدان ٤ ابواب
وكان اول ظهور ليها سنه 1996 واتصنعت في روسيا واتجمعت في مصر من ٢٠٠٥ ل ٢٠٠٩ وبلاد تانيه زي اوكرانيا و رومانيا
ال ٢١١٠ نزلت في مصر بموتور ١٥٠٠ cc ٩٤ هورس باور
وكان انجكشن ٤ سلندر جر امامي مع فتيس مانويل ٥ سرعات
اما الموتور التاني كان ١٦٠٠ cc ٨٦ هورس باور ٤ سلندر جر امامي انجكشن بفتيس مانوال ٥ سراعات
و الموتور دا كان اصدار مصري لكن الاول كان اصدار روسي
ورغم اختلاف المواتير الا ان محصلش اي تغييرات في النسختين وكانو متشابهين جدا في المواصفات
فالعربيه كانت بتيجي بأرتفاع متر ٤٢ سم
وطول ٤ متر ٢٧
وعرض متر ٨٠
وارتفاعها عن الارض ١٧ سم
بطول قاعده عجلات ٢ متر ٤٩
وسرعه قصوي ١٨٥ ك في الساعه
بمعدل تسارع ١٢ ثانيه للنسخه الروسيه و١٣ ثانيه للنسخه المصريه
ومعدل استهلاك البنزين ٧ لتر لكل ١٠٠ ك
ووزن ١٤٠٠ ك
وسعه الشنطه الخلفيه ٤٥٠ لتر
وزي ما النسختين تشابهو في المواصفات كان في تشابه برده في بعض الكماليات والتجهيزات
زي التكييف و ازاز كهربا امامي و سنتر لوك وانزار في حاله وجود باب مفتوح وعتب فولازي للابواب و الاكصدامات
دا غير ان الدريكسيون قابل للتعديل بالوضع ال يناسبك
مع كمبيوتر اعطال و ازاز حراري خلفي
دا بالنسبه للتشابه م بين النسختين لكن كان في اختلافات بسيطه في كل نسخه عن التانيه
يعني مثلا النسخه الروسي كانت بتنزل ب أزاز كهربي لكل الابواب
واسبويلر خلفي معاه كشاف استوب بيشتغل مع الفرامل
وكفر للموتور علي المساعدين
اما النسخه المصريه كانت بتتميز بكشافات كريستال وتطعيم كروم للشبكه الاماميه في بعض الموديلات
لادا ٢١١٠ اتوقف انتاجها سنه ٢٠٠٧
لكن استمر الانتاج في مصر لسنه ٢٠٠٩
وبرغم نجاح ٢١٠٥ و ٢١٠٧ في الانتشار بشكل كبير في مصر
الا ان ٢١١٠ محققتش نفس النجاح وانتشارها كان محدود لكن كانت منتشره بشكل مميز في بلاد تانيه
وانتشارها دا بيرجع لمميزات موجوده فيها
اول ميزه الاعتماديه
ف ٢١١٠ تعتبر اعتماديه واعطالها قليله وتدوس معاك في مسافات ومشاوير كتير لكن دا في حاله اهتمامك بصيانتها الدوريه وفي حاجه في حكايه المسافات الطويله مع ال ٢١١٠ ركز معايا عشان هكلمك عنها بالتفصيل
تاني ميزه المتانه
ودا ال هتلاقيه في الصاج صاجها قوي عن عربيات تانيه من نفس الفئه وتقريبا الميزه دي موجودة في كل عربيات لادا
تالت ميزه الاقتصاديه
فالعربيه اقتصاديه بشكل كبير وموفره للبنزين زي م قلتلك بمعدل استهلاك ٧ لتر تقريبا كل ١٠٠ ك والمعدل دا طبعا بيختلف ع حسب حاله الموتور او لو في وزن مع العربيه او اسلوب القياده وغيرهم بقي حاجات تانيه ممكن تأثر علي معدل الاستهلاك
رابع ميزه الثبات
ودا في حاله ان العربيه عفشتها كويسه ومش محتاجه شغل خامس ميزه تصميمها
تصميمها عصري ومقبول بالمقارنه بعربيات لادا زي ٢١٠٧ و ٢١٠٥
سادس ميزه مساحتها الداخليه
فالعربيه بتصنف كعربيه عائليه سواء كان المقاعد الاماميه او الخلفيه او حجم الشنطه
سابع ميزه سعرها و ال يعتبر قليل بالمقارنه بعربيات كتير من نفس الفئه ومناسب جدا لامكانياتها
زي م ذكرنا ان ال ٢١١٠ انتشرت في بلاد تانيه بسبب المميزات ال ذكرناها
الا ان انتشارها في مصر كان محدود ودا بيرجع لكذا عيب
اول عيب قطع غيارها
قطع غيارها مش متوفره في كل المحافظات دا غير انها غاليه نسبيا لكنها بتقبل قطع غيار بديله
تاني عيب سخونه الموتور خاصه في الصيف ومع الحر ودا ال بيتطلب ان في المسافات الطويله تريح العربيه من مسافه للتانيه دا غير انك تتابع دوره التبريد
تالت عيب العزل
فعزل العربيه سيئ وهتسمع الاصوات الخارجيه وصوت الموتور و الكاوتش بشكل ملحوظ وانت سايق خاصه في المسافات
اما اخر عيب اعاده البيع
فأعاده بيعها تعتبر سيئه ودا نتيجه للعيوب ال ذكرناها وعدم انتشارها في مصر بشكل كبير وافتقداها للشعبيه ودا طبعا علي عكس ال متعارف عليه في اعاده البيع بالنسبه ل لادا ٢١٠٥ و ٢١٠٧
خلاصه الفيديو برغم ان لادا ٢١١٠ عربيه اعتماديه وسعرها مناسب لامكانياتها لكن انا عن نفسي شايف ان في عربيات تانيه موجوده بنفس السعر او اعلي شويه لكن بتصميم و شكل احسن بكتير وامكانيات اعلي مع مشاكل اقل سواء في قطع الغيار او اعاده البيع و غيرهم
لكن في حاله انك مقتنع ب لادا ٢١١٠ ومصمم عليها
ف دا ختيار مش سيئ بس لازم تبقي عارف ازاي تتعامل مع عيوبها وتخافظ علي صياناها الدوريه بشكل منتظم
دا كان فيديو لادا ٢١١٠
متنساش اللايك و السبسكرايب
سلام ي وحش
Негізгі бет Автокөліктер мен көлік құралдары لادا 2110 🇷🇺 | بدايه تطوير لادا ومراجعه شامله مميزات و عيوب
Пікірлер: 9