《Channel音樂》盧瀚霆變「流汗霆」?!新歌《Hey Hey OK!》與大家夏日爽一爽
Anson Lo盧瀚霆新歌到!近年一直推出型格跳唱作品的「教主」,這次帶來充滿夏日歡樂氣氛的《Hey Hey OK!》,更特別到沖繩拍MV,趁機來趟夏日快閃旅行,寓工作於娛樂!新歌是專門為暑假而推出的,Anson Lo分享:「一直好想推出夏天氛圍嘅歌,一來未試過做夏日風格,二來上幾首歌都係比較暗黑,或者關於自己內心世界,或者遇上悲慘遭遇嘅情歌,所以好想出首開心嘅歌,帶來唔同感覺。」
為何到沖繩拍MV?Anson Lo認為夏天讓人聯想到陽光與海灘,所以選擇到滿佈沙灘的旅遊勝地取景。他說:「一直好想嚟沖繩度假,沖繩係一個陽光與海灘、景色好靚好悠閒好舒服嘅地方,所以一有呢首歌喺手,就覺得如果可以去沖繩拍到陽光與海灘就好喇!」雖然在沖繩行程緊湊,但Anson Lo也不忘重拾兒時樂趣!他笑言:「今次可以當度假,同埋自己好耐未試過喺沙灘、海邊玩,所以都諗返起自己以前細路仔嘅時候。」
《Hey Hey OK!》夏日感覺濃烈,MV自然少不了落水大玩特玩的環節。Anson Lo興奮道:「以前自己中學時候係校內泳隊,所以以前係好鍾意游水,但慢慢愈嚟愈大個之後就好少游水,所以今次喺MV裡面撐水上滑板係自己嘅初體驗。夏天令我聯想起食雪糕、陽光與海灘、游水,今次MV亦滿足晒我對夏天嘅所有期望。」
這次是Anson Lo首次試撐水上滑板,也是拍攝《Hey Hey OK!》MV最有趣之處。他解釋:「啲MV shot睇落好似撐得好有型、好開心,但其實off camera或者剪走咗嘅都係我蝦碌,爭啲反艇嘅畫面,呢個拍攝過程都幾搞笑。」不過,在人間天堂沖繩進行拍攝也有沒趣的事情發生!Anson Lo透露:「最辛苦兼最沒趣嘅事情就係化妝,因為第一次拍MV咁多戶外場景,而流汗係我自己一個最大嘅挑戰,好多fans都幫我起咗個花名叫『流汗霆』,因為我真係好大汗,所以今次補妝補咗好多次,補妝嘅過程好沒趣 。另外塊面寫住Hey Hey OK OK,係花咗個幾鐘雕啲字出嚟,真係好考耐性,要多謝化妝師嘅神來之筆。」
歌曲MV: • Anson Lo 盧瀚霆 《Hey Hey ...
編輯:Andy
#heyheyok #ansonlo #盧瀚霆
Негізгі бет 盧瀚霆變「流汗霆」?!新歌《Hey Hey OK!》與大家夏日爽一爽
Пікірлер: 55