#李佳芯 #TVB #譚俊彥
譚俊彥、李佳芯(Ali)、郭柏妍、黃洛妍等昨日(12日)出席新劇《麻雀樂團》(暫名)的煞科宴,眾人都表示非常不捨今次拍攝。Ali比以往消瘦,她指因為拍攝時患上流感,令其體重跌至90多磅。她稱完成此劇之後,暫無新工作安排,「工作方面再睇下有冇消息,睇下有咩適合都會做,都係啱啱完最後一場戲,會休息下先,做下自己鍾意做嘅嘢,學下野先啦!」
提到她在IG寫下「真正的完結,都是無聲無息」,令人聯想到她與無綫的關係亦告結束,Ali連忙否認︰「唔係!唔係!唔係下下都要牽連感情,合約啦!呢個世界仲有好多嘢!純粹係因為拍完呢套劇,其實都唔係叫無聲無息,依家都有個煞科宴。」對於續約,她表示稍後會傾,有新消息會跟大家公布,並稱自己的要求也不高,只要是拍到好作品便很開心。
譚俊彥表示今次拍攝最難忘是打麻雀,「大家都以為四個人打牌好快過,但當大家都係四、五個鐘都係打同一鋪牌就好大壓力!因為平時打牌就係咁推出去,但今次係邊拍邊回帶,又要記住自己隻左手係點,右手係點,真係好大壓力!到最後大家研究到係要聲音導航,佢哋拍我隻手時,會叫我摸第二隻牌打出去,就係咁處理咗個場口。始終都希望觀眾睇得過癮,有時遇到啲牌有問題,我都要即刻facetime我阿媽,等啲auntie、uncle俾意見。」
提到父親節將近,問到如何慶祝,他表示因為忙於拍攝,所以跟老婆說︰「無所謂啦!」沒料到被老婆責罵,他說︰「佢鬧醒我!佢問我『你老竇呢!』係喎!做咗老竇其實仲係做仔,所以到時會同老竇去飲茶。」提到女兒早前生日,他稱現時9歲的小朋友已經很成熟,笑謂不太習慣女兒變成少女,因在他心中仍然囡囡是「一嚿飯」。
他表示下半年的工作非常緊湊,有不同的拍攝,而《新聞女王》亦已安排於明年拍攝。問到會否再拍電影,他稱暫時沒有安排,但透露TVB有自家電影製作將會推出,會以公司的工作為主。
►訂閱我們: bit.ly/2qoVYEN
►Website : www.am730.com.hk/
►FB: / am730hk
►IG: / am730hk
►這部影片中的音樂
bmgproductionmusic
Негізгі бет Ойын-сауық 李佳芯拍完新劇去向再成謎 譚俊彥差啲忘記跟狄龍慶祝父親節
Пікірлер: 25