林家謙(Terence)和Tyson Yoshi自從在商台拉闊音樂會合作後,成為好友,「TT」CP無得輸。今晚(9日)二人又一齊出活動,問到鍾意TT這個組合嗎?林家謙搞笑說:「TT,TT,唔係呀,唔鍾意!」然後才正經說:「OK嘅,OK嘅。(其實好唔鍾意佢?)唔係,成日同佢有啲好奇怪嘅火花出現,我都唔知點解。」
#林家謙 稍後跟 #TysonYoshi 可能在音樂上合作,他表示:「佢有問我嘅,但我話我未諗下年嘅嘢,你畀時間我處理今年嘅嘢先啦!(感情上有冇合作空間?)唔會啦,Christy已經瞄住我,雖然佢好鍾意我哋嘅互動。」
事實上,林家謙真是很忙,昨日(8日)仍在新碟趕工,今日成功出到一批貨,「之後仲要時間,有啲貨未起到,有啲朋友覺冇保障,唔想大家食炒價,唔想買碟都好似演唱會有黃牛出現,趕緊工,大家畀少少耐性。」
他一直構思搞簽名會,但因為太忙,一拖再拖。「暫時未有空間諗住,因為真係想整好新碟出貨,做完一樣先,但大家收齊先再搞。未知乜形式,應該有一個大家可以親密少少關係...唔係關係,係距離,安好嘅距離就可以做簽名會。」
今年林家謙樂壇成績不錯,已殺入叱咤「 #我最喜愛的男歌手 」五強,但對於「 #我最喜愛的歌曲 」十強,他說:「如果有咪好囉,冇都唔緊要,有時喺樂迷心目中最喜愛都幾開心。」
他認為今年投票比舊年熱烈,「熱鬧咗,睇樂迷反應對於廣東歌同樂壇關注度,比起以往十年都高,呢個係好事,大家可能初初留意呢個,跟住留意其他唔同單位,變相都係推動樂壇一件事情。」
#娛壹
----------------------------------------------------------
即刻跟住Follow 晒我哋Channel:
FB: fb.me/as1hk.ent...
IG: / as1.entertainment
YT: / @as1.entertainment
Негізгі бет 林家謙鍾意同Tyson Yoshi做「TT」CP:有啲好奇怪火花出現,Christy已經瞄住我(
No video
Пікірлер: 29