تعلم اعلانات فيس بوك و أفضل الطرق المتبعة في ٢٠٢٠ لاستهداف الأغنياء و أصحاب الدخول المرتفعة باستخدام اعلانات فيسبوك الممولة.
يعتمد معظم المسوقين على اعلانات فيسبوك بشكل أساسي لاستهداف العملاء بحملات اعلانية و لكن يبقى التحدي الأكبر في اعلانات فيس بوك و هو الوصول لبعض الطبقات خصوصا الغنية. في هذه الحلقة شرح للاستراتيجيات المتبعة للوصول لاصحاب الدخل المرتفع عن طريق اعلانات الفيسبوك الممولة و كيفيه عمل اعلان ممول ناجح على فيس بوك
انصحك تشوف حلقة " ضاعف مبيعات موقعك الالكتروني عن طريق السيلز فانل" بعد او قبل الحلقة دي
• ضاعف مبيعات موقعك الال...
سكريبت الحلقة
أكبر تحدي بيحصل لأي حد بيعمل اعلانات فيس بوك هو انه يوصل لأصحاب الدخل المرتفع او زي ما بنسميهم A Class و ده لأن الناس دي معظم المعلنين بيتنافسوا علشان يوصلولهم و لأن ال Behavior او سلوك ال class دي من الناس على السوشيال ميديا مختلف و تفاعلهم مع ال Business بيكون قليل و بحساب. و ده بيأدي ان تكلفة الاعلان ليهم بتكون عالية او بيكون صعب على المعلنين اللي معندهمش الخبرة الكافية انهم يوصلولهم.
مش هي دي الصعوبة الوحيدة اللي في الموضوع. المشكلة التانية ان facebook بياخد البيانات اللي انت بتكتبها عن نفسك في ال profile و مش بيدور وراك و سهل انك تختلق صفات و نمط تصرفات مش فيك و تزرعها في ال account بتاعك .. يعني سهل اني ممكن اعيش في دور ساويرس و اعمل بروفايل تخليني اكون شبه ساويرس من غير ما يكون معايا فلوس ساويرس
المشكله دي هيحس بيها جدا الناس اللي بيبقوا متأكدين انهم عاملين شغل targeting مظبوط أوي و في الآخر بيتفاجأوا بناس كتير مش من ال class اللي بيستهدفوها بيتفاعلوا مع الاعلان
انهارده هنتكلم على ٨ استراتيجيات هيساعدوك تعمل Targeting ل class A بشكل فعال و كمان هنتكلم على شوية نصايح مهمة جدا لازم نخليها في اعتبارنا و احنا بنعمل اعلانات لل class A
اول استراتيجية هنتكلم عليها هي الفلترة باستخدام ال Devices او الأجهزة اللي الناس دي بتستخدمها علشان يدخلوا على الفيسبوك
الاستراتيجية دي من اكتر الطرق فاعلية لأن صاحب ال profile مينفعش يحور فيها.. فيسبوك بيقدر يحدد من نفسه انت داخل من جهاز نوعه ايه و بيستخدم البيانات دي علشان يخلي المعلنين انهم يوصلوا اعلاناتهم لموبايلات معينة. فلو انت مثلا بتبيع منتج غالي وليكن فيلا اكيد اللي جاي يشتري منك ده مش ماسك نوكيا ٣٣١٠
فتقدر تخلي اعلانك يظهر بس مثلا للناس اللي معاهم iPhone 8 و انت طالع و مثلا ال سامسونج ال S و ال note 8 و انت طالع
تاني استراتيجية هي استخدام ال Job Titles
و دي من الطرق المؤثرة جدا لأن المسمى الوظيفي هيخليك تقدر تحدد مستوى دخل معين للشخص اللي عايز توصله. فتقدر مثلا علشان تسوق لعربية سعرها فوق النص مليون جنية تستهدف Job titles مستوى دخلهم يسمحلهم انهم يشتروها زي الدكاترة بمختلف تخصصاتهم، ال General managers و ال CEOs و ال Managing Directors ، مهندسين البترول
طبعا تقدر تقعد من هنا لبعد بكرة تعمل list طويلة عريضة ب كل ال Job titles اللي ممكن تأهل صاحبها انه يكون من اصحاب الدخل المرتفع.
تالت طريقة هي استخدام ال Education level
المستوى التعليمي للشخص من الحاجات اللي بتعكس مستواه الاجتماعي و المادي و ممكن تستخدمها لصالحك. فممكن نعمل targeting للناس اللي متخرجة من الجامعات الخاصة زي الجامعة الألمانية و البريطانية و ال MSA و المدارس ال international.. كمان ممكن نعمل targeting للناس اللي معاها دكتوراه او Masters لأن الدرجات العلميه دي بتأهل صاحبها لأنه يكون بيحصل على دخل عالي. ممكن كمان نستخدم ال education علشان نواجه مشكله ان بعض ال Profiles بتبقى مش كامله. لأن ممكن تلاقي accounts لناس مش كاتبين بيشتغلوا ايه بس ممكن يكونوا حاطين بيانات تعليمهم وليكن لو دكتور مثلا مش كاتب حاجة في الوظيفة ممكن يكون كاتب انه درس طب في جامعة عين شمس.. فتقدر توصله
رابع طريقة هتكون مناسبة لو بتستهدف ناس موجودة في الامارات أو السعودية او تركيا و بعض الدول التانية
فيسبوك عامل classification للناس في١٣ بلد منهم السعودية و الامارات و تركيا للناس اللي مهتمة بالسلع اللي سعرها عالي والسلع اللي سعرها متوسط. تقدر توصل للناس دي عن طريق انك تكتب في ال detailed Targeting
People who prefer high value goods in UAE
أو People who prefer high value goods in KSA
و لو عايز الناس اللي بتدور على سلع سعرها متوسط و عالي في نفس الوقت
People who prefer mid and high value goods in KSA
الموضوع ده مطبق على ١٣ دول فقط هما الامارات، السعودية، تركيا،اندونيسيا ، ماليزيا باكستان ،الفليبين ،الهند جنوب افرقيا البرازيل،الارجنتين، شيلي، و المكسيك
باقي السكريبت في التعليقات
Негізгі бет اعلانات فيس بوك 2020 | 8 افكار لاستهداف الأغنياء في اعلانات فيسبوك الممولة
No video
Пікірлер: 1 М.