Lənkəranda yol polisi dövlət nişanlarına deyil, restorandan çıxan sürücülərə nəzarət edir
Lənkəranda Dövlət Yol Polisinin xidməti ərazisində, Həzi Aslanov parkının qarşısındakı yol nişanları mövzusuna yenidən qayıdırıq. Səbəb hər gün onlarla sürücünün bu nişanlara məhəl qoymaması, Dövlət Yol Polisi əməkdaşlarının bu ərazini nəzarətsiz saxlaması ilə sakinlər üçün qəza şəraitinin yaranmasıdır. Burada yol nişanının tələbini pozan sürücülər cərimələnsə, həm sakinlərin təhlükəsizliyi təmin edilər, həm də dövlət büdcəsinə əlavələr olar.
Lənkəranın mərkəzində, Həzi Aslanov parkının qarşısındakı yola “Giriş qadağandır!”, “Hərəkət qadağandır!” yol nişanlarının vurulması burada yol hərəkəti iştirakçılarını məlumatlandırmaq üçündür. Gördüyünüz bu kadrları müxtəlif günlərdə amma son bir ay ərzində lentə almışıq.
Yolda hərəkəti məhdudlaşdıran işarə qoyulsa da sürücülər buna məhəl qoymur. Hər gün 20-dən çox sürücü yolun bu hissəsində qayda pozur. Sürücü bu yol nişanlarının tələbini pozursa, “Giriş qadağandır!” 60 manat, “Hərəkət qadağandır!” nişanında da 60 manat məbləğində cərimə olunur. Dövlət Yol Polisi gün ərzində 20, bir aya 600 sürücünü 120 manat cərimələsə, dövlət büdcəsinə 72 000 manat pul daxil etmiş olacaq. Amma bu yolda qayda pozan çox, cərimə yazan yox. Sürücülər yollarını bir qədər qısaltmaq və yaxud da benzinlərinə qənaət etmək üçün qayda pozaraq əks istiqamətdə hərəkət etməli olurlar. Maraqlısı da budur ki, bəzi hallarda bu qayda pozuntuları Yol Patrul Xidməti əməkdaşlarının gözü qarşısında baş verir. Kadrda göründüyü kimi Yol Polisi qaydanı pozan sürücünü görsə də heç bir şey olmamış kimi yoluna davam edir.
Şəhərin mərkəzi yollarında Dövlət Yol Polisinin diqqətsizliyi bununla bitmir. Digər vacib məqam isə küçə və yollara yaxın ümumtəhsil müəssisələri qarşısında sıxlığın yaranmasıdır. Lənkəranın qabaqcıl təhsil müəssisələrindən biri olan şəhər 4 nömrəli hümanitar təmayüllü məktəbin qarşısında nəqliyyat vasitələrinin hərəkəti nəzarətsiz qalaraq tıxaclar yaranır.
Lənkəranın bəzi küçələrində işıqforların işləməməsi də diqqətimizdən yayınmadı. Artıq bir neçə gündür yaranan problem həm sürücülər, həm də piyadalar üçün təhlükə yaradır.
Artıq iki gündür Mirzə Məhəmmədhüsüyn Axund küçəsi ilə Zərifə Əliyeva küçəsinin kəsişməsində işıqforlar işləmir. İşıqforların işləməməsi həm piyadaların, həm də avtomobillərin hərəkəti üçün müəyyən çətinliklər yaradır. Bu da bəzən qəzaların baş verməsini qaçılmaz edir.
Yola tökülən avtomobil hissələrinin qalıqları burada yenicə baş vermiş qəzanın sübutudur. Bundan başqa şəhərin ən böyük küçələrindən biri “Koroğlu” küçəsi ilə “Akademik Zərifə Əliyeva” küçəsinin kəsişməsində işıqfor işləmir. Burada da avtomobillərin hərəkətini sürücülər özləri tənzimləyir. Əlacsız qalan sürücülər yolda növbə ilə hərəkət edir, ya da ki, siqnal verməklə.
Hər iki kəsişmədə piyada zolağının olmaması da daha bir təhlükə yaradır. Sakinlər də yolu bəzən qaçaraq keçməli olurlar.
Sadaladığımız hallar və problemin həlli ilə bağlı qarşı tərəfin Lənkəran ŞRPŞ-nin DYP bölməsinin rəisi ilə əlaqə saxladıq. Bölmə rəisi müsahibə verməsə də şifahi olaraq bildirdi ki, sözügedən ərazidə əməkdaşlarımız tez-tez xidmət aparır. Yenə də biz xidmətimizi davam etdirəcəyik. Araşdırmamızdan da yadın oldu ki, rayonda rastlaşdığımız hər üç halla bağlı DYP əməkdaşları nəzarətlərini gücləndirməlidir. Nazirlər Kabinetinin yeni qərarına əsasən avtomobil yollarında sürücülərə qarşı tətbiq edilən cərimələrdən əldə olunan vəsaitin 25 faizi Daxili İşlər Nazirliyinin Yol Patrul Xidmətini həyata keçirən və yol hərəkətinin tənzimlənməsinə cəlb olunan əməkdaşların aylıq vəzifə maaşlarına əlavə olunacaq.
Негізгі бет Lənkəranda yol polisi dövlət nişanlarına deyil, restorandan çıxan sürücülərə nəzarət edir
No video
Пікірлер: 25