حلقات مقترحة
نهاية الحرب
• ألمانيا تتدخل لإنهاء ح...
جاسوسة المبلابس الداخلية
• جاسوسة الملابس الداخلية
رونالدو وخيانة حبيبته
• ماذا فعل رونالدو بعد خ...
أخطر سرقة فى التاريخ
• السطو المسلح الذى عجزت...
تنظيم الضباط الأحرار
• ثورة 23 يوليو 1952 - ت...
الصورة اللى قدام حضراتكم دى بيرفعها الجيش البريطانى كنوع من التفاخر بانتصاراته العسكرية على مر التاريخ.. ولو دققت كويس فى الصورة هتلاقى اسم مصر منور بين انتصارات الجيش البريطانى.. لكن ورغم كونه انتصار لبريطانيا.. فهو بالنسبة لحضرتك كمصرى هزيمه واستعمار.. طيب لحد هنا مفيش مشكلة.. أمال المشكلة فين؟.. المشكلة لما تلاقى حد مش فاهم زى الفنان محمد رمضان.. بيعلن الحداد لمدة 3 أيام على وفاة ملكة بريطانيا.. ملكة بريطانيا اللى فى عهدها انضربت مصر فى عدوان 56.. وانضرب أهلنا فى بغداد فى غزو العراق سنة 2003 على ايد القوات البريطانية والأمريكية.. ملكة بريطانيا اللى تاجها الملكى مصنوع من مجوهرات مسروقة على مر التاريخ.. وكانت سرقتها دى سبب فى موت آلاف الناس.. ما بينها بلاد الأندلس والهند.. ولحد النهاردة البلاد اللى اتسرقت منها الجواهر دى بتطالب باستردادها.. لكن الملكة الله يرحمها قبل ما تموت كانت عامله نفسها من بنها..
المهم وفاة ملكة بريطانيا فكرتنا بحكاية مهمه لازم نحكيها لكل اللى زعلوا على رحيلها كأنها المفروض تُخلد مثلا..
حكايتنا بتبدأ سنة 56.. لما فوجئ الجيش المصرى بقوات اسرائيلية بتحاول تدخل سيناء.. فما كان من الجيش المصرى إلا إنه حرك قواته علشان تواجه القوات الاسرائيلية.. لكن ندرك متأخر ان القوات الاسرائيلية دى ما هى إلا طعم رمته بريطانيا علشان الرئيس جمال عبد الناصر ينقل الجيش المصرى كله لقلب سيناء.. بعيد عن القاهرة وبورسعيد والمجرى الملاحى لقناة السويس..
وبمجرد ما بدأ الجيش المصرى يدور الضرب فى القوات الاسرائيلية اللى دخلت سيناء.. طلعت بريطانيا وفرنسا وقالوا لمصر.. ان تحركاتك العسكرية دى بتهدد ممر قناة السويس اللى بيخدم حركة التجارة فى العالم كله.. وبناء عليه لازم تاخدى قواتك وترجعى لمسافة 10 ميل غرب قناة السويس.. وقدامك لحد الساعة 6 ونص صباح باكر يوم 31 اكتوبر.. لو منفذتيش الأمر.. هنضطر نحتل الأراضى المصرية من تانى علشان نحافظ على استقرار حركة التجارة فى قناة السويس.. انتو مش أممتوا قناة السويس.. اشربو بقى..
فما كان من مصر إلا إنها ردت وقات وليه مدة زمنية وتسيبونا نفكر وبتاع.. تحذيركم مرفوض من دلوقتى.. لا هننسحب من سيناء ولا هنسلمكم قناة السويس ولا حد له كلمة علينا..
وسيدى المواطن هو ده بالظبط اللى كانت عاوزاه بريطانيا.. كانت عاوزه مصر تعند وتدخل الحرب.. علشان تكون النتيجة هى تدمير الجيش المصرى واحتلال قناة السويس من جديد.. واحتلال مصر كلها إن لزم الأمر..
وخطة انجلترا فى الوقت ده للى ميعرفش.. كانت هى ان القوات الاسرائيلية تشتبك مع الجيش المصرى فى سيناء.. فتتدخل انجلترا وفرنسا ويطلبوا من الدولتين وقف إطلاق النار.. وبقاء الحال كما هو عليه لضمان سلامة الممر الملاحى لقناة السويس.. يعنى اسرائيل تفضل محتفظة بالأراضى اللى سيطرت عليها والقوات المصرية ترجع لمسافة 10 ميل غرب قناة السويس.. وبالتالى تبقى بريطانيا سيطرت على قناة السويس من جديد وبيأمن ظهرها فى سيناء القوات الاسرائيلية..
ولو رفض الجيش المصرى تنفيذ الأمر والانسحاب.. تبقى جت ع الطبطاب وتدخل القوات البريطانية والفرنسية يدكوا القوات المصرية المشتبكة مع القوات الاسرائيلية فى سيناء وبرده يسيطروا على قناة السويس من جديد..
لكن كانت قدامهم عقبتين.. الأولى هى أمريكا.. والتانية هى الاتحاد السوفيتى.. أكيد هيرفضوا الحرب.. لأنهم متأكدين ان الجيش المصرى هيرفض العدوان وهيحارب.. وبالتالى الحرب فى حد ذاتها هتعطل حركة الملاحة فى قناة السويس.. فتقوم بريطانيا تعمل ايه؟..
قامت اختارت توقيت العدوان فى وقت أمريكا والاتحاد السوفيتى مشغولين فيه.. الحكومة الأمريكية مشغولة بانتخابات الرئاسة.. وبالتالى المرشحين مش هيقدروا يضحوا بأصوات 5 مليون يهودى..
أما الاتحاد السوفيتى فكان مشغول بثورة قامت فى المجر.. وبالتالى برده من وجهة نظر بريطانيا مش هيسيب ثورة المجر ويركز مع مصر اللى بتضرب..
وبدأ العدوان الثلاثى على مصر.. وبمجرد ما رفضت مصر تهديد بريطانيا بالانسحاب لغرب قناة السويس.. بدأ سلاح الجو البريطانى والفرنسي.. يقصف القاهرة واسكندرية ومدن القناة.. وللأسف أغلب ضربات الطيران البريطانى والفرنسي.. استهدفت المستشفيات والمدارس ودور العبادة اللى هى المساجد والكنائس.. كل ده فى عهد ملكة بريطانيا اللى الفنان محمد رمضان أعلن الحداد 3 أيام على وفاتها..
وللأسف لم تنتهى مأساة الشعب المصرى فى عدوان 56 عند هذا الحد.. لكن قبل ما أكملك باقى الحكاية مش عاوزك تحس بالضعف.. لأن زى ما ملكة بريطانيا وحكومتها زعلت أهلنا.. فأهلنا هما كمان زعلوها جامد.. لما خطفوا أنتونى مورهاوس.. ابن عمة ملكة انجلترا ذات نفسها.. واللى كان من بين الظباط الانجليز اللى شاركوا فى العدوان الثلاثى على مصر.. ومش بس هو.. ده صفوا من بعده مدير المخابرات العسكرية البريطانية شخصيا.. واللى نفذ العملية كان شاب من المقاومة الشعبية مكملش 17 سنة.. هحكيلك كل حاجه بالتفصيل كمان شوية..
وبمجرد ما بدأ العدوان.. مصر أعلنت رسميا قطع علاقتها مع بريطانيا وفرنسا.. وتم تنصيب الرئيس جمال عبد الناصر حاكم عسكرى على البلاد..
من المصادر
bit.ly/3RTF6kl
bbc.in/3xh2W1I
#المواطن_سعيد #محمد_رمضان #ملكة_بريطانيا
Негізгі бет علاقة محمد رمضان بملكة بريطانيا اليزابيث الثانية
Пікірлер: 3,9 М.