فيلم النهاردة صدر يوم ٤ يوليو ...٤ يوليو ده يبقي يوم إييييه؟ بالظبط كده.... عيد استقلال أمريكا.. هتقولي استقلالها عن مين؟ هقولك عن بريطانيا العظمي في القرن السبعتاشر.
اللي يهمنا دلوقتي ان يوم ٤ يوليو إجازة رسمية في أمريكا وطبعًا العائلات بتخرج وتروح السيما وتشتري فشار بالشوكلاته وكده... فبيلاقو شركات التوزيع محضرالهم فيلم ينفع جميع افراد الأسرة وغالبًا بيبقي عن بطل امريكي مفتول العضلات بينقذ العالم ... زي ويل سميث في فيلم independence day او (يوم الاستقلال) .. او.. كريس برات في فيلم النهاردة..اللي هو The tomorrow war او .. حرب المستقبل.. او هي يعني.. "حرب بكرة"..زي ما بنقول كده... (يا ترى بكرة مخبيلنا ايه)؟
بكرة يا سيدي مخبيلنا مخلوقات فضائية عاوزه تقضي ع البشرية... طبعًا يعني.... وهي يعني المخلوقات الفضائية ليها أي غرض تاني؟
وماتفهمش يا اخي ليه دايما المخلوقات الفضائية لما تيجي تنزل الأرض تسيب الكوكب كله وماتنزلش غير في أمريكا.. لأ وبالذات في حته زحمة زي نيويورك ولا لوس انجلوس... يعني مش في وسط الميه مثلاً اللي هي تلات تربع الكوكب... ولا في حته صحرا فاضية.. او غابه... او أي حته من ٩٥الـ ٪ من الكوكب اللي مفيهاش بشر.. ايوه ده حقيقي.. البشر بيحتلوا ٥٪ بس من سطح كوكب الأرض...
فالمنطقي ينزلوا في حته رايقه حتي يلحقو ياخدو نفسهم.... لكن لا.. دايما يا حبة عيني اول ما يفتحو باب المركبة الفضائية ولسه هيقولوا يا هادي.. يطلعلهم واحد لسه خارج من الجيم ولابس فانله كات وواخد على كتفه عبء انقاذ البشرية... وتبتدي العركة.
عامة... عركة النهاردة مسلية ولذيذه فعلاً... ومتكلفة فوق ال٢٠٠ مليون دولار...
الصرف باين عالفيلم بس زي ما احنا عارفين الصرف مبيعملش فيلم حلو.. الفيلم الحلو بتعمله القصة والرسالة... هتقولي ايوه اللي هي ايه بقى؟
للدعم على Patreon :
/ ahmedbehiry
شاهد الفيلم في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
Негізгі бет {الحراق}(91) خد فكرة.. و حارب الخوازيق بكرة.. The Tomorrow War
No video
Пікірлер: 133