الأرز الأزوبكي المرستك
المقادير:
كيلو لحمة بالعظم مقطعة قطع متوسطة
كاستين رز مزه بسمتي مغسول ومنقوع ساعة
٥ حبات جزر مبشور أو مقطع شرايح رفيعة وكبيرة
٤ حبات بصل مقطع جوانح رفيعة جداً
١ رأس ثوم
زبيب
ثلثين كوب زيت
البهارات :
ملعقة كبيرة كمون مطحون في الحال
ملح
الطريقة:
نقطع البصل ونقطع الجزر نولع النار على القدر ونضيف الزيت ونضيف عليها اللحمة ونحمرها عشان تطلع نكهتها وفي نفس الوقت نشيل زفارتها
بعد كدا نشيل اللحمة ونحطها على جنب في صحن ونضيف في القدر البصل أول مايذبل البصل نضيف الجزر ولابد تكون كمية الجزر كبيرة لان أساس وصفة الرز الأوزبكي أو البخاري الجزر بعد مايتغير لون الزيت ويسير لون الجزر نرجع نضيف اللحمة ونحط عليها الكمون نص الكمية ويكون مطحون فرش ونضيف الملح والموية ( للقدر العادي لاتعتمدو على الوقت في استواء اللحم حسب نوع اللحمة عندكم)
اذا استوت اللحمة نضيف عليها الرز ( لاتضيفو الرز والمرقة باردة لازم تكون المرقة بتغلي )
و النار تكون عالية عالرز لين تقل الموية وتبان الفقاعات بعد كدا نضيف الزبيب ورأس الثوم والباقي من الكمون المطحون بعد ماتختفي الموية من الوجه نقفل القدر ونهدي النار على شمعة لمدة ٢٥ دقيقة بعد مرور ٥ دقايق نفتح الغطا عن القدر ونعمل فراغات بين الرز عشان البخار يطلع والرز يستوي بالكامل نضيف الفلفل الحار
نعمل جنبها سلطة عبارة عن خيار وطماطم و بقدونس وبصل ( اختياري) وخل مخفف بموية ورشة ملح نقلبها
وبالعافية وادعولي معاكم
Негізгі бет الأرز الأزوبكي
Пікірлер: 45