الحشو الكويتي
٠
٠
٠
المكونات
بصل مقطع
فلفل حار
نخي مجروش ( حمص )
كشمش ( زبيب )
ملح
سكر
كركم
بهار الحشو *
فلفل اسود
فلفل احمر
٠
٠
٠
نكون مجهزين النخي (حمص)المجروش حباته صغيره مغسلينه فايحينه (سالقينه ) مده ٢٠ دقيقه تقريبا وبعدين نشيل منه الماي ونشخله.
٠
٠
٠
ونغسل كشمش ( زبيب) وننقطع بوخمس دقايق وفي ناس ماتنقعه عادي.
٠
٠
٠
نقطع كميه بصل الي نحتاجها مربعات كبيره نوعا ما ونحط بالمقله و على النار بدون اي زيت بس بصل وفلفل حار ( بس انا نسيت اضيف الفلفل )
بس رشه ملح عشان يساعد البصل يطلع الماي الي فيه بسرعه ورشه سكر عشان يتكرمل البصل,,,,
طبعا نحرك لين يتغير لونه وتمسك المقله بالبصل هني نرش رشه ماي عشان نقدر نحرك البصل عدل وعشان تعطينا لون حلو ونرش ماي اكثر من مره لين نوصل حق اللون المتكرمل الحلو نضيف سمن وشويه زيت بعدين نضيف الكشمش والنخي ( حمص) ونرش البهارات مثل;
كركم بهار الحشو فلفل اسود وفلفل احمر واخر شي رشه هيل
*واذا ماعندكم بهار الحشو حطو كركم دارسين فلفل اسود واحمر ليمون اسود واخر شي هيل•
نحمس البصل مع كل شي مده خمس عشر دقايق اخر شي نحط الهيل ورشه زعفران عشان يعطينا طعم ولون حلو
طريق الزعفران .... ( زعفران + صبغه الزعفران + ماي حار + ماي ورد ونخليه فتره لين يصير لونه حلو يصير نحط معاه هيل ناعم او مع الاستخدام )
٠
٠
٠
٠
وبس بعد مانخلط كل شي مع بعض يصير الحشو جاهز الحشو يقدم مع المجبوس لحم او دياي
٠
٠
٠
وعليكم بالعافيه يارب
٠
.
Instagram:
/ kanderyo
٠
٠
٠
Snapchat:
/ kandery
Негізгі бет الحشو الكويتي ( حشو المجبوس ) _ عمر الكندري
Пікірлер: 27