في الوقت اللي كلنا فيه ماسكين العداد ..وعمالين نعد الايام اللي فاضلة من 2020 ..وعمالين نبعت جواسيس يبصولنا بصة على 21 مخبيالنا ايه هي كمان ..لاحسن تخش علينا بتنانين مجنحة وتتحقق نبوءة رانيا يوسف ..ونلاقي الديناصورات بتتمشى حوالينا تاخد حمام شمس يفك عضمها بعد الرقدة اللي رقدوها كام مليون سنة دي ..الا إن 2020سنة الاغتيالات وشبح الحرب العالمية التالتة ..والوبا اللي مفرفر العالم كله وحرايق الغابات وانفجار بيروت ..وغيرها من البلاوي.. رفضت تنتهي وتسيبنا كده من غير ما تصالحنا..عشان تثبت لنا أن جواها طيبة وحنية بس احنا اللي حصرناها في أدوار الشر.. قوم بقى يخش نوفمبر يشوط في سكته برتقانتين ميتخيروش عن بعض ..وتشترك الولايات المتحدة مع ولايات ميت غمر في ملحمة الإطاحة بترامب ومرتضى منصور على التوازي .. وبصرف النظر عن أننا كمصريين يعني.. لا لينا دخل بأمريكا اللي مجرد خسارة ترامب متعتها بالنسبة لنا.. أننا نفرح بحالة التبول اللا إرادي عند ارامله في الاعلام المصري ..ولا حتى لينا دخل بسقوط مرتضى.. اللي واضح ان فاتحته مقرية بانتخابات أو غيرها ..عموما احنا بنشكر 2020 على محاولة الصلح دي ..ومعلش لو فيها رزالة طلب اخير بس ..لو امكن تخشيلنا بقى على الراس الكبيرة يبقى كتر خيرك وهنسامحك على كل اللي فات ..
للدعم على Patreon :
/ ahmedbehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
Негізгі бет {الأسبوع ف كيس}(241) ليلة بكى فيها البلح!
Пікірлер: 516