من بعد ما اثيوبيا بعتت رسالة لوزارة الري .. العواف عليكم يا بني آدمين احنا بنملى الخزان..فوتكو بعافية.. وكان رد الدبلوماسية المصرية حاسم.. حطوا أيديهم في وسطهم وقالت لهم بقى كده ..طيب احنا رايحين لنصير المظلومين وطبيب المجروحين مجلس الأمن..اللي تاريخه في نصرة الحق ناصع البياض.. أبيض يا ورد حرفيا يعني.. عمره ما جاب حد غير القوي والبلطجي اساسا ..وفي وسط كل المطيباتية اللي بياخدونا على اد عقلنا ..كانت روسيا اللي اكتر صراحة، واعلنت عدم دعمها لأي حل عسكري..العجيب بقى أن بعض المحنكين .. سابوا الصين وامريكا وفرنسا ودول الخليج اللي مستثمرين اصلا مليارات في السد..وقفشوا في روسيا الندلة..اللي هو أنت ده دب روسي مش جدع على فكرة..ازاي يخونك العيش والملح والفوديكا ..والجاكت ابو نجمة اللي لبسته للسيسي لما لقيته بردان..طبعا ده محض هبل..عشان السياسة مافيهاش اصيل وندل..فيها مصلحتي فين .. والمصلحة دايما مع الأنجح واللي موقفه التفاوضي اقوى ..فاللي مستني مجلس الأمن يجيب له حقه ..على أساس أنه جاب لفلسطين ولا البوسنة ولا مسلمي الروهينجا حقهم .. يا إما عبيط أو مغيب..اللي متغطي بالغرب من غير قراره وسلاحه وقوته عريان..وعلى صعيد آخر انا تواصلت بنفسي مع الرئاسة..ووصلت ليهم إن الناس مقموصة من السيسي ..عشان عرف إن منسوب النهر بينقص ولم يهرع جنود الملك لتحريره..وعرفت أن الراجل مش قاصد يقصر ولا مكسل يهرع..كل ما في الموضوع أنه مش عارف يعني ايه يهرع دي أساساً……
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
Негізгі бет {الأسبوع ف كيس}(274) هيا بنا نهرع!
No video
Пікірлер: 498