في عملية انتحارية لا تقل وطنية وانتماء عن عمليات الحفر على الناشف..قامت مجموعة من فناني مصر الشرفاء بالانسحاب التكتيكي.. من العرض الخاص لفيلم مصري حصل على جايزة من مهرجان تحت السلم كده اسمه ”كان“..عشان بيسئ لسمعة مصر وجمهوريتها الجديدة..وبيقدم صورة مش حقيقية ومغرضة إن مصر قال ايه فيها فقرا وعشوائيات..مش بس كده ده فيه شهود عيان أكدوا إن الفيلم تعمد ميكونش فيه مشهد لكوبري يوحد الله.. والحقيقة إن مش بس الفريق أول شريف منير وشركاه اللي اتضايقوا من الفيلم..جموع الشعب الغفير اللي حوالي ٣٠٪ منه تحت خط الفقر بأرقام الدولة زعلوا اوي من الفيلم.. وزعل معاهم اللي واقفين في قوائم انتظار معهد القلب والاورام ووحدات غسيل الكلى والقصر العيني..وعمال اليومية اللي انقطع عيشهم ، مع عمال المصانع والشركات اللي مصانعهم اتقفلت واتسرحوا، نظموا وقفات احتجاجية بتطالب بوقف عرض الفيلم المسئ..وكان فيه مشاركة متميزة من سكان المقابر والعشوائيات، على هواة الاكل من الزبالة..كلهم وقفوا يهتفوا بوقف الفيلم ومحاكمة كل اللي عملوه.... وعلى صعيد آخر التوك شو السياسي المصري استغل فرصة غيابي وقرر يطور من نفسه .. والأستاذ شريف عامر استضاف واحد شغلته ”محلَل“ ..وده دليل إن الإعلام المصري هيبدأ بالتدريج يستعين بالتيوس المستعارة تحل محل البهايم ..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
Негізгі бет {الأسبوع ف كيس}(283) ممنوع التعليم أو التصوير
No video
Пікірлер: 866