مجلس الشيوخ الاسبوع ده ، قرر يرد على انتقادات الناس اللي بتسأل، هو ايه لازمتهم جلس شيوخ واحنا عندنا برلمان؟..ده على اساس إن البرلمان نفسه له لازمة يعني.. فاجتمعوا وطلعوا باقتراح عظيم محدش فكر فيه قبل كده..وقرروا أنهم يستغلوا العاصمة الإدارية في مشروع يفيد البلد ويرفع معنويات الشعب.. الاقتراح هو إنشاء مقبرة للعظماء.. آه والله زي ما بقولك كده.. تفاصيله لسه مش واضحة أوي..يعني احنا عارفين إن محدش عظيم في مصر كلها غير فشاخة الريس. وده مش من النوع اللي بيموت أساسا ، ده غير إنه فال وحش عليه. وكمان احنا مش عارفين التقديم عليه إجراءاته إيه..يعني شهادة العظمة بكام! وبتطلع من البوستة ولا من السجل المدني! وعليها دمغات قد ايه ؟ عموما انا بقترح تشكيل لجنة برئاسة مرتضى منصور ، لاختيار العظماء اللي هيتدفنوا فيها . ولو أمكن تفعيل بند التحنيط للعظماء من اللواءات والمستشارين..ده تاريخ يا جماعة ومحدش يتريق ولا ينتقد..انتوا متخيلين كده بعد مئات السنين. ده لو مصر نفسها فضلت عايشة يعني ، وتبقى مقبرة العظماء مزار سياحي. وبين كل مقبرة والتانية كوبري تفوح منه رائحة الكفتة الذكية..والزوار بيسألوا المرشد ، مقبرة أنهي عظيم اللي على شكل طبلة دي ؟ فيقول لهم لأ ، احنا لمينا رفات عظماء الإعلام كلهم وحطيناهم في مقبرة واحدة عشان يونسوا بعض
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
أعلم أهل الأرض
www.قooقle.com
Негізгі бет {الأسبوع ف كيس}(331) اقتصاد العرص و الطلب
Пікірлер: 487