قصيده كلمات الشاعر المعروف ابو علي مصطفى الفيصل من أبناء مديرية المخادر محافظة إب وهذه القصيده مهدا لولده الغالي النقيب على مصطفى الفيصل تحت عنوان وصية والد لولده
أبدع بك أدعي خالقي وأتضرعك
وأدعوك غفرانك وعفؤك والأمان
يامعتلي محد تعلى مؤقعك
عِني على الدنياء ودار الإمتحان
أبو علي قال ياعلي حسي معك
شل النصيحه تنفعك طول الزمان
طِيبك ودِينك والتواضع يرفعك
ومن يهين الناس ياغالي يُهان
وقت المواقف والشدايد تنفعك
تعرف بها الوافي من الشخص الجبان
لنته بنعمه كل قومك يتبعك
وتكثر أصحابك إذا جيبك ملان
وكلهم رهن الإشاره لإصبعك
ويضهر الإخلاص فيهم والحنان
وإن خف جيبك سار محد يسمعك
الناس ياأغلا الناس مافيهُم أمان
المصلحي لاخف جيّبك قاطعك
والنذل والدرسوس ماشي له ضمان
إسمع كلامي دام وأنا مرجِعك
وأخر وصيه قبلما ألبس للكِفان
يازرع قلبي وصط قلبي موضعك
والقلب بأحزانه وبأوجاعه ملان
بأيام عادك طفل وأمك ترضعك
غروني أصحابي بضحكات اللسان
إسأل لأبوك ياوالدي
موضيّعك
القبيله الله عليها المستعان
قد كنت في موقِع تعلاء موقعك
والكل بعدي وقت الأيام السِمان
خايف لو أشرح لك مواجع توجعك
وتنزل الدمعه بخدك كالمِزان
من صُحبة الأنذال حبيت أمنعك
ذي منهم حسيت ضيقي والجِنان
في ناس يابني لا إمنته ضيّعك
وناس لا أتساهلت له عابك وخان
وناس يضحك لك وقوله يقنعك
وينقل أسرارك إلا كل الأذان
أهل المصالح ياعلي لاتخدعك
وقت الشدايد كل شي لك بايبان
بحفظ ربي ياعلي نستودعك
باأموت وانا فيك مرفوع الكيان
لنته مع الله ياعلي يبقى معك
ماخاب ضنه من بمولاه أستعان
وأسأل من الله بالصحابه يجمعك
في جنة الفردوس والحُور الحِسان
صليت ياربي وصلينا معك
على النّبي الهاشمي في كل آن
Негізгі бет لاتفوتك أقوى شيله يمنيه وصية أب لإبنه💕💕
Пікірлер: 11