الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
لاتكذبي ع النرجسي ولا تكذبي على نفسك .. للمتعافيات فقط
ايو انتي بتكدبي ، انتي ضحية النرجسي اللي بتكدبي؟ ولا النرجسي هو اللي بيكدب ، النرجسي كذاب مش بيكذب لكن انتي بتكدبي ، انتي طول الوقت تكدبي ع النرجسي وبتكدبي على نفسك ، بما انك تعافيتي تعالي نبطل كدب
أولا طالما تعافيتي خلاص مابقتيش ضحية نرجسي ، انتي دلوقتي قاهرة النرجسي ، هازمة النرجسي ، طيب يبقى مش مضطرين نكدب ، خلاص لازم ناخد منحى تاني لازم نسلك طريق تاني ، تفتكري لو انتي تعافيتي فعلا ممكن تضطري تكدبي ع النرجسي؟ طيب في ايه أصلا انا مش بكدب ، وانتي قلتي لنا نخبي ومانقولش كل حاجة ، ايوة نخبي مانكدبش ومش كل حاجة تتقال عشان نحمي نفسنا واولادنا لكن نكدب لا ، يعني لو سألك عن شيء انتي مخبياه تقولي مش عايزة أقول ومش من حقك تعرف ، ودة ليه بقى؟ لانك تعافيتي واذا تعافيتي وناقصك الجرأة والقوة فانتي محتاجة تشوفي سلسلة شفاء الروح او مستويات الوعي ، لانك محتاجة تكوني قوية وصريحة وصادقة عشان الصدق والصراحة اعدى أعداء النرجسي ولو كنتي كدة معاه فانتي حتكوني بتكشفيه ادام نفسه في كل حوار يحصل بينكم ودة أحيانا بيساعد النرجسي انه يدرك نرجسيته اذا مكنش مدركها واذا مكنش سيكوباتي واحيانا القليل منهم بيبدأ يفكر ويفهم ان تصرفاته بتخسره فبيبدأ يعدل سلوكه ودة احنا محتاجين نعمله اذا قررنا نستمر معاه ، طيب ادينا مثل ع الكلام دة ، طيب مثلا النرجسي في وقت هادي كدة بيجيب سيرة فلان او فلانة اللي جوزها بخيل او بيخون او بيؤذي بلؤم ويقول لك اظن انتي محظوظة بزوج زيي ( خدوا بالكم الكلام للمتعافيات فقط) في اللحظة دي لو انتي مش متعافية حتبتسمي ابتسامة هادية وماتعلقيش لانك مش حتخلصي لو خالفتيه اما لو انتي متعافية فممكن تبصي له بصة استغراب على استنكار كدة وتقولي له ولما حصل كيت وكيت وكيت وتذكري له موقف واضح وصريح هو مقفوش فيه بأدلة مايقدرش ينكرها وتقولي له انا أصلا نسيت الموضوع وخلصت منه لكن لازم انت تتوب عنه مش تنساه وتفكر نفسك ماعملتوش وتتفاجيء بيه يوم القيامة على رؤوس الاشهاد والناس اللي عارفينك ملاك يشوفوه وربنا يكفينا شر الفضح يوم العرض ، صدقك هنا له نية ايه انك تولعي له شرارة ادراك للي بيعمله يمكن يمكن يحاول يفهم ولو مافهمش مش حتخسري بالعكس حتكسبي تعديل سلوك لامحالة هو حيحاول يعمله بس خدوا بالكم الكلام عن النرجسي مش السيكوباث لان السيكوباث والنرجسي السيكوباث دول لا تحاولي ولا تتكلمي أصلا دة تسيبيه وتمشي وبس ، المهم الصراحة والصدق في أوقات معينة زي كدة بتكون مفيدة لكي وله انتيب تعملي مواجهة هادية وبتعرفي تشعري بقوتك وتشوفي ضعفه وتقتنعي انه هش وهو بيرتبك من صراحتك وجرأتك وخصوصا انه بيكون في وضع هادي ومش مدي خوانة فالمفاجأة بتربكه وتلخبطه ، والمهم من دة انك بتشوفي الجانب الاخر الهش الضعيف منه ، طيب هل دة معناه انك ماتديهوش وقود إيجابي ابدا وانك لو اديتيه حتبقي بتكدبي؟ لا اطلاقا حتديه وقود إيجابي ومن غير ماتكدبي ازاي ؟ لما يعمل حاجة كويسة زيه زي الطفل اللي بتعلميه وتربيه بالمكافئات والعواقب ، لما يسمع الكلام ويقضي طلبات بيته ويقضي احتياجاتك بتديه وقود إيجابي بطريقة فتات الخبز وبتكوني صادقة لانه ممتاز في أداء المهمة اللي مفترض انه اداها فلازم تديه المكافئة
طيب فهمنا جزء من الكدب ع النرجسي ، طيب الكدب على نفسك ؟ دة بقي بيكون مع النرجسي وغيره ، اللي هو حاضر حعمل وانتي مش قادرة ومش عايزة تعملي ، ، حاجي معاكم وانتي أصلا عندك شغل وحتسيبي شغلك وتؤذي نفسك عشان مش عايزة تقولي لا ، وليه مش عايزة تقولي لا عشان خايفة يقولوا عليكي معندكيش ذوق او مش مهتمة بيهم او مهملاهم او يقولوا انانية او يقولوا منطوية ، وطبعا تقديرهم لكي حيقل وطبعا مش حتاخدي منهم تقدير لكن بتقولي لنفسك ايه لا انا بحبهم ومش عايزة ازعلهم وانتي في الأصل مش عايزة تزعلي نفسك وانتي في الأصل بتحبيهم حب مشروط وجايز تكوني مش واخدة بالك بس انتي فعلا بتحبيهم حب مشروط لانهم لو ماقدروش تضحيتك حتلاقي نفسك غضبتي عليهم وكرهتيهم ومش طايقاهم ، يعني الحب اختفى فجأة ، عشان كدة هاوكينز بيقول ان الحب في مستوى الوعي اللي بين الرغبة والغضب بيكون حب مشروط وانتي غالبا بتكوني معظم الوقت بين المستويين دول طول ما انتي ضحية للنرجسي ومش متعافية ولسة بتحاولي تتعافي فطول الوقت انتيب تحبي حب مشروط وانتي مش واخدة بالك ، حتى حبك للنرجسي في اول العلاقة كان حب مشروط والدليل على كدة انك بتكتشفي مع الوقت انه ادمان مش حب والحب المشروط والادمان مش حب الحب الحقيقي بيكون حاجة تانية خالص حنتكلم عنه في حلقة تانية ان شاء الله
خدي بالك اوعي تحبي اولادك حب مشروط ، التعافي شرط التخلص من الحب المشروط ، وشفاء الروح حيساعدك على الصعود في سلم هاوكينز
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #الخفي#القوة #الثقة #الاكتئاب#النفسية
Негізгі бет لاتكذبي ع النرجسي ولا تكذبي على نفسك .. للمتعافيات فقط
Пікірлер: 90