رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
فن الاستغناء وفك التعلق
ناس كتير أوي بتتكلم عن الإستغناء وان احنا لازم نستغنى عشان الناس تنجذب لنا وان لما نستغنى عن الاخر هو حيحترمنا وحياتنا حتتغير وحنكون شخصيات متزنة وقوية ومحدش حيقدر يستغلنا ، طيب يعني ايه استغناء وليه احنا مش بنقدر نستغنى وهل مفروض نستغنى تماما ولا مطلوب الاتزان ؟ ومين اكتر الناس لازم تتعلم الاستغناء ؟
شوفي الاستغناء نوعين استغناء مادي واستغناء نفسي والاتنين اهم من بعض وخصوصا لزوجة النرجسي او زوجة أي شخصية سامة .
الاستغناء المادي معناه انك لازم تشتغلي وتدخلي لنفسك دخل كويس تعيشي منه من غير ماتحتاجي لحد ، ودة مفهوم أهميته وانتي كزوجة نرجسي اكتر واحدة عارفة أهمية الاستغناء المادي
انما بقى الاستغناء النفسي دة موضوعه كبير ولازم ناخده بالتدريج ولازم نتعلمه
عشان تقدري تحسني حياتك مع النرجسي ،
الإستغناء النفسي ده معناه إنه أنا مش محتاجة حاجة من حد مش محتاجة أحس أي مشاعر عن طريق الخارج براية مش محتاجة للقبول مش محتاجة للحب مش محتاجة للتقدير مش محتاجة إن حد يحسسني إن أنا موجودة هو في حد مش محتاج للكلام ده كله؟ شوفي إحنا كبشر محتاجين للحب قطعا الإنسان كائن اجتماعي لكن لما يكون الشخص إللي قدامي أنا متأكدة إن هو مش هيديني الحب ده فأنا لازم أتعلم هنا الاستغناء أستغنى عن حب هذا الشخص طيب إحنا اتكلمنا في نقطة الحب وإزاي نستغني عن حب النرجسي وإزاي نعوضه بحاجات كتير تانية كلها صحية نيجي بقى للاحتياجات اليومية النفسية مع النرجسي أول حاجة أنتي محتاجاها الصحبة أنا محتاجة حد أتكلم معاه أنا محتاجة أشبع شهوة الكلام دي أول نقطة لازم تستغني عنها مع النرجسي لما توقفي الكلام مع النرجسي تبطلي ترغي معاه وتبطلي توجهي كلام له تتعلمي الصمت الصمت في حد ذاته عبادة ، صعب إنتي صغيرة في السن إنتي أ شخص أجتماعي بتحبي تتكلمي لكن خدي بالك شهوة الكلام شهوة سبحان الله م مش منهي عنها بقدر ما تم التحذير منها أن الرسول عليه الصلاة والسلام قال إيه وَهل يَكبُّ النَّاسَ في النَّارِعلَى وجوهِهِم، أوعلَى مناخرِهم، إلَّا حصائدُ ألسنتِهم. يعني إحنا مطالبين بإن إحنا نحاول نصمت فأنا مش بقول لك اسكتي خالص في حياتك أنا بقول لك اسكتي مع النرجسي سكوتك مع النرجسي وصمتك مع النرجسي مش هيوصله أخبارك حيخليكي غامضة بالنسبة له حيبقى عايز دايما يشوف إللي جواكي فهو إللي هيجي يتكلم معاكي فدي أول حاجة استغنيتي عنها فتلاقيه بدأ يلتفت لكي بعد ما هو أصلا كل ما تيجي تكلميه يقول لك إنت بترغي كتير اسكتي كفاية كده كلام يبقى أول حاجة الصمت أول حاجة عايزة تخلي النرجسي يلتفت ليكي مش يلتفت عنك إنك تسكتي وتستغني عن الكلام معاه
تاني حاجة إنتي محتاجاها من النرجسي إنه هو علمك إنه يشعرك بقيمتك عن طريق حبه هو علمك من أول يوم إنه يفهمك إنه إنتي قد إيه حد رائع وحد جميل وحد مهم وحد طيب وحد حنين هو الوحيد إللي قال لك الحاجات دي فبالتالي إنت اتعلمتي إنك تستمدي منه تقدير نفسك أصلا إنتي كنتي معندكيش ده وقاعدة مستنية فارس الأحلام إللي حديهولك ،انتي اخترتي هذا الشخص بناء على إن هو ده إللي هيديكي القبول هيديكي الحب هيديكي التقدير هو اداهولك هو عودك إنك تاخدي منه بعدين بدأ يسحبه بدأ يسحبه وإنت بدأتي تحسي بالاحتياج تاني في الحالة دي إنت هنا فيه حاجة بتاخديها منه لازم تستغني عنها ليه لما إنت ح تستغني عن هذا التقدير منه هتعرفي تبعدي عنه تعرفي تقطعي التعلق مش كده وبس كمان الأهم من ده إنه إنت لما تبتدي تستغني عن التقدير من الآخرين احتياجك للآخرين حيقل ارتباطك بيهم حيقل هتستغني إزاي عن هذا التقدير؟ من الآخر إنك تبتدي تعرفي نفسك تبتدي تفهمي ذاتك تقدري ذاتك ، تكتشفي قيمك وأهدافك في الحياة تركزي على نقاط قوتك وإنجازاتك شوفي مميزاتك وصفاتك الإيجابية ودايما تطوريها ، قوي العلاقة بينك وبين نفسك أتصالحي مع نفسك عشان تقدري تستغني عن التقدير إللي بيجيلك من برا إذا قدرت نفسك بنفسك مش هتحتاجي إن حد يقدرك الاستغناء عن الناس ومنهم النرجسي أهم حاجة فيه إنك تستغني عن التقدير إللي جاي منهم تخيلي إنتي لما بتيجي تمشي في الشارع خايفة الناس تبصلك عشان مش هيقدروكي اما تقعدي في قاعدة خايفة تنطقي أحسن الناس مش هيقدروكي لما تيجي تتكلمي مع حد أو تعترضي على حاجة أو حد يؤذيكي خايفة تدافعي عن نفسك لحسن الناس مش هيقدروكي او حيشوفوكي وحشة ، تخيلي لما تستغني عن تقدير الناس هتبقي إزاي لما توصلي إن إنت مش مهم شكلك قدام الناس لما تلاقي حد بيأذيكي وتقفي و تزعقي في الشارع وتقولي لأ أنا مش حقبل ده من غير ما تبقي خايفة الناس هتقول عليكي صوتك عالي الناس هتقول عليكي بنت مش محترمة الناس هتقول عليكي جريئة لو إنتي مش مهتمة الناس هتقول عليكي إيه هتكوني حرة هتكوني قوية محدش هيقدر يقرب منك محدش يقدر يؤذيكي نفس الكلام مع النرجسي هتقدري تقولي له لأ هتقدري تعترضي لما مش هيهمك كلام أخواته لما مش هيهمك شكلك قدام الناس لما النرجسي يبقى بيذلك عشان تسيبيه بيحاول يطفشك وعاوز يطلقك وعايزك إنت إللي تطلبي الطلاق وإنتي خايفة من شكلك قدام الناس وخايفة من لقب مطلقة اللي حيطلقوه عليكي الناس ، تخيلي لو إنتي مش بيهمك رأي الناس فيكي تخيلي لو إنتي استغنيتي عن تقدير الناس لكي هتكوني قد إيه شخص قوي واثق من نفسه مش عرضة للأذى من حد الاستغناء عن التقدير من الخارج سواء من ...... الباقي في اول تعليق
0:00-0:44 المقدمة
0:44-1:30 تعريف الأستغناء
1:30-2:22 الأستغناء النفسى
2:22-3:03 أستغنى عن احتياجاتك من النرجسى
3:30-5:06 أول احتياج
5:06-10:20 ثانى احتياج
10:20-13:22 ثالث احتياج
13:22-13:43 الخاتمة
#صحةـنفسية #القوة #الاكتئاب #النرجسي #النرجسية
Негізгі бет لازم تستغني عن النرجسي عشان تقدري تسيطري عليه؟
Пікірлер: 86