La Mal Coiffée - La femna lenta
Extrach de l’album « Roge Caparrut » (2022)
→ Disponible sus las platafòrmas d'escota :
bfan.link/roge...
Cant e percussions : Karine Berny, Myriam Boisserie, Marie Coumes e Laetitia Dutech
Musica e paraulas : Laurent Cavalié
Creacion dels monocòrds : Marc Oriol
Presa de son, mescla : Guilhem Verger, estudiò « les 4 vents »
Mastering : Nicolas Baillard « La fraise électrique ».
Realizacion clip : Amic Bedel
Amb Magali Loreau & François Douziech
Produccion : Sirventés
Distribucion : L'Autre Distribution
Paraulas
La femna lenta, ambe son òme lent, cercan pas fortuna,
pas cap de castèl dins la luna.
Avançan doçamenet per los camins bartassièrs
al pas del ganha-petit que pas a pas s’embalausís del camin.
Van per dos, dapasset, de son pas de cap-de-muòl,
cada piada fendasclant las aparéncias del monde que corrís dins un sòmi neblós.
Elis, landrinejan dins la clartat del temps.
lo cèl es lent,
l’an dins los èlhs,
son dins lo cèl,
ni pels rires ponchuts
ni pels morres caruts.
A l’entorn bronzina una sorna mecanica,
del monde que corrís dins un sòmi neblós.
ni pels rires ponchuts ni pels morres caruts.
Elis, fresilhan lo silenci
coma creisson las amoras,
coma dona vida la salvatgina.
Èsser lent, lent per pas res, res a ganhar, ganhar pas res,
pas res a pèrdre, pèrdre la corsa, corsa del temps, temps de prener,
prener lo temps, temps del sòmi, sòmi del res, res a ganhar, ganhar a èsser, èsser lent.
la femna lenta, ambe son òme lent, faulejan lo monde.
« Siaguèm pigres, siaguèm pigres » li mormolha la saba d’oliu.
la femna lenta, ambe son òme lent,
longanhejan tranquillons,
pas a pas sus la tèrra,
que per natura rend gràcia
als seus fisèls amans.
Негізгі бет La Mal Coiffée - La femna lenta [clip]
No video
Пікірлер: 14