લગ્નના 5 મહિનામાં દંપતી મોતને ભેટ્યું:મોરબી માસીના ઘરે ગયા હતા, સવારે નીકળવું'તું, માસીયાઈએ આગ્રહ કરતા રોકાયા, ઝૂલતા પુલ ફરવા ગયા ને બન્નેને મોત મળ્યું
Copyright Notice - Disclaimer Under Section 107 of the Act 1976, allowance is made for "fair use" for purposes such as criticism, comment, news reporting, teaching, scholarship and research. Fair use is a use permitted by coCopyrightpyright statue might otherwise be infringing. Non-propfit, educational or personal use tips the balance in favor of fair.
મોરબીમાં ઝૂલતા પૂલની ગોઝારી ઘટનામાં રાજકોટના દંપતી હર્ષ ઝાલાવડીયા અને તેની પત્ની મીરાનું પણ મોત થયું છે. પાંચ મહિના પહેલા જ આ દંપતીએ પ્રભુતામાં પગલા માંડી જિંદગીની નવી શરૂઆત કરી હતી. લગ્ન બાદ મોરબી માસીના ઘરે જમવા માટે હર્ષ અને મીરા ગયા હતા. ત્યાંથી તેઓ ફરવા માટે ઝૂલતા પુલ પર ગયા હતા અને દુર્ઘટના સર્જાઈ હતી. જેમાં મીરાનું ઘટનાસ્થળે જ મોત નીપજ્યું હતું જ્યારે હર્ષને સારવાર માટે રાજકોટ ખસેડાયો હતો. પરંતુ તેણે પણ પત્નીની સાથે અનંતની વાટ પકડી દમ તોડી દીધો હતો. આથી ઝાલાવડીયા પરિવાર આઘાતમાં સરી પડ્યો છે. હર્ષ અને મીરા બેંગ્લોરમાં સોફ્ટવેર એન્જિનિયર તરીકે નોકરી કરતા હતા. દિવાળીના વેકેશનમાં વતન રાજકોટ આવ્યા હતા.
દંપતી માસીયાઈ ભાઈના પરિવાર સાથે ફરવા ગયું
બેંગ્લોરમાં સોફ્ટવેર એન્જિનિયર તરીકે નોકરી કરતા અને રાજકોટની અંબિકા ટાઉનશિપમાં સિદ્ધિ હાઇટ્સમાં રહેતા હર્ષ ઝાલાવડિયા પત્ની મીરા સાથે દિવાળીના વેકેશનમાં વતન આવ્યા હતા. શનિવારે હર્ષ પત્ની મીરા અને માતા-પિતા સાથે મોરબી રહેતા માસિયાઇ ભાઇના ઘરે ગયા હતા. રવિવારે સવારે પરત રાજકોટ આવવા નીકળવાના હતા. પરંતુ પિતરાઇભાઇએ રોકાવાનો આગ્રહ કરતા રોકાઈ ગયા હતા અને સાંજે પોતે, પત્ની, માસિયાઈભાઈ, તેની પત્ની અને પુત્ર સાથે ઝૂલતા પુલ ગયા હતા.
માસિયાઈભાઈ અને તેની પત્નીનું મૃત્યુ
ઝૂલતા પુલ પર તમામ હતા ત્યારે અચાનક જ પુલ ધરાશાયી થતા મીરા, માસિયાઈભાઈ અને તેની પત્નીનું મૃત્યુ નીપજ્યું હતું. જ્યારે માસિયાઈ ભાઇના સાત વર્ષના પુત્રનો બચાવ થયો હતો અને જ્યારે હર્ષને ઇજા થતા પ્રાથમિક સારવાર બાદ વધુ સારવાર માટે રાજકોટ ખસેડાયો હતો. હર્ષને ઇજાગ્રસ્ત હાલતમાં સારવાર માટે રાજકોટની ખાનગી હોસ્પિટલ ખસેડાયો હતો. પરંતુ હર્ષે પણ સારવાર દરમિયાન દમ તોડી દેતા ઝાલાવડિયા પરિવારમાં અરેરાટી વ્યાપી ગઈ છે. મૂળ જામજોધપુરના અને હાલ મેંગ્લોર રહેતા પટેલ પરિવારની દીકરી મીરા સાથે પાંચ મહિના પહેલાં હર્ષનાં લગ્ન થયાં હતાં. હર્ષના પિતાએ મીડિયા સાથેની વાતચીતમાં જણાવ્યું હતું કે, મારે એકનો એક દીકરો હતો. મારો કમાવવાવાળો દીકરો ચાલ્યો ગયો.
રાજકોટના 12 હતભાગીની યાદી
મોરબી ઝૂલતા પુલ પર રવિવારે સર્જાયેલી દુર્ઘટનામાં રાજકોટના બાળક, મહિલા-પુરુષ સહિત કુલ 12 વ્યક્તિનાં મૃત્યુ નીપજ્યાં છે. જેની યાદી નીચે મુજબ છે.
1. ભૂપતભાઇ છગનભાઇ પરમાર 2. સૂરજ મોહનભાઇ વાલ્મીકિ 3. મીરા હર્ષભાઇ ઝાલાવડિયા 4. તન્મય નીતિનભાઇ વડગામા 5. સોહમ મનોજભાઇ દાફડા 6. પૃથ્વી મનોજભાઇ દાફડા7. સુજલ હરેશભાઇ ચાવડા 8. રુક્શાના રશીદભાઇ ચૌહાણ 9. નીતિનભાઇ પ્રાણજીવનભાઇ વડગામા10. સંગીતા ભૂપતભાઇ પરમાર 11. શાનિયા રશીદ ચૌહાણ12. વિરાજ ભૂપતભાઇ પરમાર
Негізгі бет લગ્નના 5 મહિનામાં દંપતી મોતને ભેટ્યું : મોરબી માસીના ઘરે ગયા હતા, સવારે નીકળવું'તું,
Пікірлер