LAKSHMI SUPRABHATAM | శుక్రవారం రోజు మహాలక్ష్మి సుప్రభాతం వింటే మీకున్న శని పోయి అపరకుభేరులు అవుతారు
#devotional #devotionalsongs #bhaktisongs #primebhakti #mahalakshmi #lakshmi #mumbai #mata #jaimatadi #devi #maa #durga #mahakali #mahalaxmi #navratri #maharashtra #madirakshi #siyakeram #varamahalakshmi #india #hinduism #hindu #ujjain #kolhapur #goddesslakshmi #vaishnodevi #mahasaraswati #laxmi #laxmipuja #adishakti #saraswati #durgapuja #goddess #lakshmidevi #lakshmidevi #lakshmi #goddesslakshmi #varalakshmi #varalakshmivratham #mahalakshmi #varalakshmipooja #lakshmipooja #southindianfestival #iskcon #varamahalakshmi #durga #jaimatadi #ammavaru #chamundeshwari #lakshmitemple #goddess #shakti #namastegod #banashankaridevi #templejewellery #varalakshmivratam #sravanasukravaram #templegoddess #goddessofwealth #festivaldecoration #jai #southindia #festival #varamahalakshmipooja
శ్రీమహాలక్ష్మీసుప్రభాతమ్ ॥
శ్రీలక్ష్మి శ్రీమహాలక్ష్మి క్షీరసాగరకన్యకే
ఉత్తిష్ఠ హరిసమ్ప్రీతే భక్తానాం భాగ్యదాయిని ।
ఉత్తిష్ఠోత్తిష్ఠ శ్రీలక్ష్మి విష్ణువక్షస్థలాలయే
ఉత్తిష్ఠ కరుణాపూర్ణే లోకానాం శుభదాయిని ॥ ౧॥
శ్రీపద్మమధ్యవసితే వరపద్మనేత్రే
శ్రీపద్మహస్తచిరపూజితపద్మపాదే ।
శ్రీపద్మజాతజనని శుభపద్మవక్త్రే
శ్రీలక్ష్మి భక్తవరదే తవ సుప్రభాతమ్ ॥ ౨॥
జామ్బూనదాభసమకాన్తివిరాజమానే
తేజోస్వరూపిణి సువర్ణవిభూషితాఙ్గి ।
సౌవర్ణవస్త్రపరివేష్టితదివ్యదేహే
శ్రీలక్ష్మి భక్తవరదే తవ సుప్రభాతమ్ ॥ ౩॥
సర్వార్థసిద్ధిదే విష్ణుమనోఽనుకూలే
సమ్ప్రార్థితాఖిలజనావనదివ్యశీలే ।
దారిద్ర్యదుఃఖభయనాశిని భక్తపాలే
శ్రీలక్ష్మి భక్తవరదే తవ సుప్రభాతమ్ ॥ ౪॥
చన్ద్రానుజే కమలకోమలగర్భజాతే
చన్ద్రార్కవహ్నినయనే శుభచన్ద్రవక్త్రే ।
హే చన్ద్రికాసమసుశీతలమన్దహాసే
శ్రీలక్ష్మి భక్తవరదే తవ సుప్రభాతమ్ ॥ ౫॥
శ్రీఆదిలక్ష్మి సకలేప్సితదానదక్షే
శ్రీభాగ్యలక్ష్మి శరణాగత దీనపక్షే ।
ఐశ్వర్యలక్ష్మి చరణార్చితభక్తరక్షిన్
శ్రీలక్ష్మి భక్తవరదే తవ సుప్రభాతమ్ ॥ ౬॥
శ్రీధైర్యలక్ష్మి నిజభక్తహృదన్తరస్థే
సన్తానలక్ష్మి నిజభక్తకులప్రవృద్ధే ।
శ్రీజ్ఞానలక్ష్మి సకలాగమజ్ఞానదాత్రి
శ్రీలక్ష్మి భక్తవరదే తవ సుప్రభాతమ్ ॥ ౭॥
సౌభాగ్యదాత్రి శరణం గజలక్ష్మి పాహి
దారిద్ర్యధ్వంసిని నమో వరలక్ష్మి పాహి ।
సత్సౌఖ్యదాయిని నమో ధనలక్ష్మి పాహి
శ్రీలక్ష్మి భక్తవరదే తవ సుప్రభాతమ్ ॥ ౮॥
శ్రీరాజ్యలక్ష్మి నృపవేశ్మగతే సుహాసిన్
శ్రీయోగలక్ష్మి మునిమానసపద్మవాసిన్ ।
శ్రీధాన్యలక్ష్మి సకలావనిక్షేమదాత్రి
శ్రీలక్ష్మి భక్తవరదే తవ సుప్రభాతమ్ ॥ ౯॥
శ్రీపార్వతీ త్వమసి శ్రీకరి శైవశైలే
క్షీరోదధేస్త్వమసి పావని సిన్ధుకన్యా ।
స్వర్గస్థలే త్వమసి కోమలే స్వర్గలక్ష్మీ
శ్రీలక్ష్మి భక్తవరదే తవ సుప్రభాతమ్ ॥ ౧౦॥
గఙ్గా త్వమేవ జననీ తులసీ త్వమేవ
కృష్ణప్రియా త్వమసి భాణ్డిరదివ్యక్షేత్రే ।
రాజగృహే త్వమసి సున్దరి రాజ్యలక్ష్మీ
శ్రీలక్ష్మి భక్తవరదే తవ సుప్రభాతమ్ ॥ ౧౧॥
పద్మావతీ త్వమసి పద్మవనే వరేణ్యే
శ్రీసున్దరీ త్వమసి శ్రీశతశృఙ్గక్షేత్రే ।
త్వం భూతలేఽసి శుభదాయిని మర్త్యలక్ష్మీ
శ్రీలక్ష్మి భక్తవరదే తవ సుప్రభాతమ్ ॥ ౧౨॥
చన్ద్రా త్వమేవ వరచన్దనకాననేషు
దేవి కదమ్బవిపినేఽసి కదమ్బమాలా ।
త్వం దేవి కున్దవనవాసిని కున్దదన్తీ
శ్రీలక్ష్మి భక్తవరదే తవ సుప్రభాతమ్ ॥ ౧౩॥
శ్రీవిష్ణుపత్ని వరదాయిని సిద్ధలక్ష్మి
సన్మార్గదర్శిని శుభఙ్కరి మోక్షలక్ష్మి ।
శ్రీదేవదేవి కరుణాగుణసారమూర్తే
శ్రీలక్ష్మి భక్తవరదే తవ సుప్రభాతమ్ ॥ ౧౪॥
అష్టోత్తరార్చనప్రియే సకలేష్టదాత్రి
హే విశ్వధాత్రి సురసేవితపాదపద్మే ।
సఙ్కష్టనాశిని సుఖఙ్కరి సుప్రసన్నే
శ్రీలక్ష్మి భక్తవరదే తవ సుప్రభాతమ్ ॥ ౧౫॥
ఆద్యన్తరహితే వరవర్ణిని సర్వసేవ్యే
సూక్ష్మాతిసూక్ష్మతరరూపిణి స్థూలరూపే ।
సౌన్దర్యలక్ష్మి మధుసూదనమోహనాఙ్గి
శ్రీలక్ష్మి భక్తవరదే తవ సుప్రభాతమ్ ॥ ౧౬॥
సౌఖ్యప్రదే ప్రణతమానసశోకహన్త్రి
అమ్బే ప్రసీద కరుణాసుధయాఽఽర్ద్రదృష్ట్యా ।
సౌవర్ణహారమణినూపురశోభితాఙ్గి
శ్రీలక్ష్మి భక్తవరదే తవ సుప్రభాతమ్ ॥ ౧౭॥
నిత్యం పఠామి జనని తవ నామ స్తోత్రం
నిత్యం కరోమి తవ నామజపం విశుద్ధే ।
నిత్యం శృణోమి భజనం తవ లోకమాతః
శ్రీలక్ష్మి భక్తవరదే తవ సుప్రభాతమ్ ॥ ౧౮॥
మాతా త్వమేవ జననీ జనకస్త్వమేవ
దేవి త్వమేవ మమ భాగ్యనిధిస్త్వమేవ ।
సద్భాగ్యదాయిని త్వమేవ శుభప్రదాత్రీ
శ్రీలక్ష్మి భక్తవరదే తవ సుప్రభాతమ్ ॥ ౧౯॥
వైకుణ్ఠధామనిలయే కలికల్మషఘ్నే
నాకాధినాథవినుతే అభయప్రదాత్రి ।
సద్భక్తరక్షణపరే హరిచిత్తవాసిన్
శ్రీలక్ష్మి భక్తవరదే తవ సుప్రభాతమ్ ॥ ౨౦॥
నిర్వ్యాజపూర్ణకరుణారససుప్రవాహే
రాకేన్దుబిమ్బవదనే త్రిదశాభివన్ద్యే ।
ఆబ్రహ్మకీటపరిపోషిణి దానహస్తే
శ్రీలక్ష్మి భక్తవరదే తవ సుప్రభాతమ్ ॥ ౨౧॥
లక్ష్మీతి పద్మనిలయేతి దయాపరేతి
భాగ్యప్రదేతి శరణాగతవత్సలేతి ।
ధ్యాయామి దేవి పరిపాలయ మాం ప్రసన్నే
శ్రీలక్ష్మి భక్తవరదే తవ సుప్రభాతమ్ ॥ ౨౨॥
శ్రీపద్మనేత్రరమణీవరే నీరజాక్షి
శ్రీపద్మనాభదయితే సురసేవ్యమానే ।
శ్రీపద్మయుగ్మధృతనీరజహస్తయుగ్మే
శ్రీలక్ష్మి భక్తవరదే తవ సుప్రభాతమ్ ॥ ౨౩॥
ఇత్థం త్వదీయకరుణాత్కృతసుప్రభాతం
యే మానవాః ప్రతిదినం ప్రపఠన్తి భక్త్యా ।
తేషాం ప్రసన్నహృదయే కురు మఙ్గలాని
శ్రీలక్ష్మి భక్తవరదే తవ సుప్రభాతమ్ ॥ ౨౪॥
Негізгі бет LAKSHMI SUPRABHATAM | శుక్రవారం రోజు మహాలక్ష్మి సుప్రభాతం వింటే మీకున్న శని పోయి అపరకుభేరులు అవుతారు
Пікірлер: 1