* Биз билган ва билмаган Ялангтўш
Ниҳоят, барчамиз кутган фильмни кўрдик!
1612-1656 йилларда Самарқанд амири бўлган Баҳодир Ялангтўшга бағишланган “Баҳодир Ялангтўш” тарихий-бадиий фильмининг илк катта намойиши Самарқандда ўтказилди. Унда вилоят ҳокими Эркинжон Турдимов, Маданият вазирлиги ҳузуридаги Кинематография агентлиги мутасаддилари, фильм ижодкорлари, ОАВ вакиллари ва, албатта, Самарқанд аҳли иштирок этди.
Бирданига айтаман, фильм зўр чиққан!
Жаҳонгир Аҳмедов уч йил бекорга тер тўкмабди! Ҳалоли бўлсин!
Фильмга зўр актёрлар ва актёр бўлмаганлар таклиф этилган ва бу иш ўзини оқлаган. Фильмда, томошабин сифатида, “кўзим ўрганган” актёрлардан бошқа, янги қиёфаларни ҳам кўрдим. Бош ролга бир неча карра жаҳон чемпиони бўлган жанговар қиёфали ва алп қоматли спортчининг жалб этилиши фильмнинг 50% муваффақиятини таъминлаган, десам, сира муболаға бўлмайди.
Амфитеатрни тўлдириб ўтирган томошабинлар нақд икки ярим соат давом этган фильмни “миқ этмай” томоша қилишди. Айрим “каттакон”ларни доимгидек, “тепа”дан чақириб қолишганини айтмасак, ҳеч ким фильм тугагунча жойидан қимирламади. Фильм тугагандан кейин ҳам ярим соатдан ортиқ кўпчилик кетмасдан режессёр ва актёрлар билан суратга тушишди, биз кабилар интервьюлар олдик ва ҳоказо. Тўғри, икки ярим соат кино томоша қилиш учун кўп, аслида. Аммо кино яхши экан-ки, бирор кишги туриб кетмади.
Фильм нимаси билан зўр?
Аввало, ҳали ўзбек томошабини бунақа жанговар саҳналарга бой, ҳақиқий “сола-сол” фильмларни кўрмаган. Нуқул “Қочган келин”, “Қувган қайнона”, “Келгинди куёв”, “Хаёлпараст қайнота” каби учинчи сорт киноларни кўриб юрган халқимиз “Эруғрул” ва “Усмон” каби ҳақиқий жанговар фильмларни кутаётган эди. Худога шукур, ўзбекнинг орини қўзғатадиган, ўзининг ким эканини бир эслатиб қўядиган, ёшларнинг юрагида ёвқурлик ҳисларини уйғотадиган БИРИНЧИ ФИЛЬМ бўлди. Бу бошланиши, албатта! Умид қиламиз, мана шунақа фильмлар энди кўпаяпти!
Умид қиламанки, Каримберди Тўрамурод ёзган жанговарлик тараннум этилган “Сўнгги бек” каби киносценарийлар ҳам энди “Ўзбекфильм” токчаларида сарғайиб узоқ ётмайди!
Фильм идеал тарзда ишланган, демоқчи эмасман, табиийки, майда-чуйда камчиликлардан холис эмас. Аммо яхши кўрган одамингизни нуқсонлари билан қўшиб яхши кўрганингиз каби, ўзимга ёққан фильмнинг камчиликлари ҳақида гапирмайман. Сўраса, Жаҳонгирнинг ўзига айтаман. Албатта, энди камчиликлар тузатилмайди, аммо кейингиларида ҳисобга олинади. Кейингилари эса, албатта, бўлади! Бунга ишончим комил!
Агар “Сўнгги бек”ни Жаҳонгир Аҳмедов суратга олса, уч йил деса, уч йил ёнида тураман, унга 500 та от, 500 та “босмачи”ни ўзим бераман, “Апачилар”да қизил танли ҳинду бўлиб берган ургутликларим жон-жон деб “босмачи” ҳам бўлиб беришади, келган киночиларни боқишади ҳам! Аммо фильм “ёрворейшн” бўлишига ҳам ўзим кафил бўламан! Ҳали суратга олиниши бошланмаган фильм ҳақида битта гапни ҳозирдан айтаман: ўзбек томошабини бунақа фильмни кўрмаган бўлади! Жавоб!
Аммо унгача кинода суратга тушаман, деган ўзбек актёрлари ҳеч бўлмаганда от чоптиришни, отда ҳам қилич ўйнатишни, ҳақиқий милтиқдан отишни ўрганиб қўйишлари шарт!
Қолган гаплар фильм ҳақидаги фильмимизда айтилган, режессёр ва актёрлар билан интервьюларимиз бор, томоша қилинг ва фикрингизни айтинг!
Айтганча, “Ялангтўш Баҳодир” фильми Самарқанддаги “Шарқ юлдузи” кинотеатрида намойиш этилаяпти. “Ютубга чиқса, текин кўраман”, деб пойлаб ўтирманг, кинони ҳақиқий томошабин кинотеатрда кўради! Кинотеатрда кўргандаги завқ-шавқни Ютубда кўрганингизда топа олмайсиз! Жавоб!
#rek #uzbekistan #love #samarkand #sports #yozuvchi #live #журналист #travel #karimberdi #karimberdituramurod #kino #kinouz #turdimov #erkinjon #jahongirxojayev #ahmedov #abduxalikov #yalangtush #bahodir #самарқанд #самарканд #ялангтўш #баҳодир #турдимов #эркин #каримберди #тўрамурод #жаҳонгир #аҳмедов #абдухаликов #шуҳрат #рўзиев #кино #премьера
Негізгі бет Ялангтўш Баҳодир
Пікірлер: 5