Lasing ang isang rider at ang live-in partner nito na sinalubong ang one-way road sa kahabaan ng Airport Road St. sa Barangay Baclaran, Parañaque City kaninang pasado alas-4:50 ng madaling-araw.
Nakilala ang rider at angkas na sina Joel Diaz, 25-anyos, at Abegail Friarez, 27-anyos na residente ng Barangay Tambo sa nasabing lungsod.
Aminado ang driver na galing sila sa inuman at sinalubong ang one-way road pauwi sa kanilang bahay dahil mas malapit itong daan pauwi ng Barangay Tambo.
Ayon naman sa taxi driver na si Jessie Mejulio, 59-anyos, nagulat na lang siya nang may mabilis na humaharurot na motor na pasalubog sa kanya kaya bigla siyang nagpreno subalit tuloy-tuloy pa rin ang motorsiklo na sumalpok sa harapan ng kanyang taxi.
Tanging ang babae na walang helmet ang tumalsik na nabagok ang ulo at nawalan ng malay ng ilang minuto.
Nang magising, nagpumilit na tumayo ang babae at doon na ito sumuka.
Matapos dumating ang mga pulis ng Sub-Station 1 ng Parañaque City Police Station, agad na dinala ng mga barangay ang babaeng biktima sa ospital upang suriin ang kalagayan nito.
#Teletabloid #NewsPH
Негізгі бет Lasing na rider: Motor sumalpok sa taxi, angkas na dyowa sumuka
Пікірлер