#وردة_الجزائرية #لازم_نفترق
حفل 1981
كلمات الشاعر الغنائي حسين السيد
ألحان فارس النغم الموسيقار محمد الموجي
غناء مطربة الأجيال وردة
عزف الفرقة الماسية
* * * * * *
أول قضية حب فى دنيا الهوى
أنا وانت يا قلبى اللي عشناها سوى
قضية بين قلبين فى دوامة ألم
أصعب ما فيها جرح بيعيش فى نغم
و أحلى ما فيها دموع من غير ندم
وأمر شئ فيها .. أنا خصم و حكم
إتنين حيارى عطاشى والقدر ثالتهم
خدهم فى موجة هنية قربت خطوتهم
شقوا ظلام الليل عدو بحور الشوق
والموج شايلهم شيل جابوا القمر من فوق
وعشان يداروا فرحهم زرعوا السما لبلاب
و ما فكروش إن القدر بينهم و بينه حساب
تاهت خطاويهم و الموج غدر بيهم
لا نهار يصبحهم و لا ليل يمسيهم
قضية بين قلبين فى دوامة ألم
أصعب ما فيها جرح بيعيش فى نغم
و أحلى ما فيها دموع من غير ندم
وأمر شئ فيها .. أنا خصم و حكم
يا حبيب قلبى ياريتك كنت خاين
ياعزيز عيني ياريتك كنت قاسي
كنت خليت الدموع تروي جناين
أمشى فيها بقلب خالى و فكرناسي
بس إنت مش كده إنت أكبر من كده
إنت خلتنى أعيش حب عمره ما يتنسيش
لو حكيت للناس غلاوته ولا ساعة من حلاوته
ألف يوم ما يكفيش
قضية بين قلبين فى دوامة ألم
أصعب ما فيها جرح بيعيش فى نغم
و أحلى ما فيها دموع من غير ندم
وأمر شئ فيها .. أنا خصم و حكم
غلاب يا حكم القدر مالناش معاك حيلة
و الحب عند القدر دايماً مالوش حيلة
مش حقولك الوداع لا مش حقولك الوداع
الوداع معناه حبايب عمرهم فى الحب ضاع
وانت حبك جوه قلبى ناره أقوى من الضياع
بس لازم نفترق أيوه لازم نفترق
مستحيل يتهنى قلبى وغيري قلبه يتحرق
أنا طريقى من هنا و إنت طريقك من هناك
وكفاية إنى فى يوم حبيت وأخذت أكتر ما اتمنيت
بس لازم نفترق أيوه لازم نفترق
مستحيل يتهنى قلبى وغيري قلبه يتحرق
قضية بين قلبين فى دوامة ألم
أصعب ما فيها جرح بيعيش فى نغم
و أحلى ما فيها دموع من غير ندم
وأمر شئ فيها .. أنا خصم و حكم
-----------
Негізгі бет Lazem Nefterek - Warda 🌻🌹 لازم نفتــرق - وردة | حفل 1981
Пікірлер: 27