ياقدم رجلي مهفّ مْقيط هفّي
لو تجين العزبه اللي فالزباره
فالطريق مْن أوّل اللفات لفّي
من يمين البيب ولا من يساره
ما تعوّدنا نجي الأشيا تخفّي
ولا بنينا البيت من غش وعياره
وللصحيب المنتهي مدري المصفّي
السلام وزبدة الهرج إختصاره
لا يشك إنّي بـ أقدّم له ملفّي
لو يوظّفني مديرٍ فـ الإداره
والله إنّ مفارقه ماهوب شفّي
غير ابن عمي وفقدانه خساره
غير يوم أقبلت ولّا إنّه مقفّي
جعل من يقفي إلى أقبلنا وداره
من عمدنا بالجفا كنْه مْتوفّي
لا يدور عندنا بكره وقاره
والبشوت اللي وبرها مايدفّي
روّجتها ماركتها المستعاره
عقدة التاجر تراحيب وتحفّي
وعقدتي من شين نفس ومن نزاره
جيت وأعطاني قبل لا أمد كفّي
وأنثنى بعدين فالموتر وأجاره
واليمين اللي عطاها مايوفّي
جعل مايجبر كسايرها الجباره
ياعوينه مادرى إنّي يوم أعفّي
الأرض عندي تستوي قطفة زقاره
ولاكسرت إلّا لأبن لاهوم شفّي
مسندي طالب وزاهيته الأماره
يكفي إنّي لا دريت إنّه بصفّي
كنّي أملك لي ملايين وعماره
ومرحبا منّه إلى جيته تكفّي
من كنوز الأرض وبْنوك التجاره
ولّا أنا بـ أموت مامدّيت كفّي
غير لـ الله في صلاة الإستخاره
.
الشاعر : محمد الشمالي (رحمه الله )
.
♦ ♦ ♦ ♦ ♦ ♦ ♦ ♦ ♦
للتواصل:
➽ linktr.ee/alsh...
-
#محمد_الشمالي #قصيدة #جزل #جزل_القصيد #شعر #طاروق #محاوره #محاورات_شعريه #محاورات #مستور_العصيمي #حبيب_العازمي #صياف_الحربي #محاورات #محاوره #الشمالي #بن_شايق #طاروق #السعودية #قطر #الخليج #الشلال #حصري #حصريات
Негізгі бет البشوت اللي وبرها مايدفّي ،، روّجتها ماركتها المستعاره || محمد الشمالي (رحمه الله )
Пікірлер: 3