الدبيازة
وهي من اكثر الاطباق اللي ما يخلو منها بيت في العيد اما تنعمل في البيت أو نشتريها جاهزة
وهي عادة تعمل من قمر الدين ولكن نحن نستبدله بالمشمش الطازج
وكل عام نشتري كمية كبيرة من المشمش الطازج في موسمه ونفرزنها ونستخدمها في العيد لأن الطعم جدا مختلف لما يكون طازة
الطريقة
نطبخ المشمش او قمر الدين حتى يذوب
( اضفنا قطع زبدة بما اننا استخدمنا مشمش طازج )
ونضيف له السكر او لو تحبوا تضيفوا العسل بدل السكر ( الكميات اختيارية)
نحمر بهارات الدبيازة في السمن عشان تعطي طعم ألذ
والبهارات عبارة عن ( قرفة وقرنفل و هيل ) لازم تكون الكمية متناسبة مع مقدار الدبيازة عشان ما يكون طعم البهارات طاغي
بالنسبة للمكسرات احنا نحب نستخدم فستق ولوز و كاجو ( برضو الكمية والنوع اختيارية )
حمرناها في القلاية الهوائية وممكن تحمروها في الفرن او تقلوها في السمن
وبالنسبة للفواكه المجففة احنا ما نضيف التمر المجفف اللي يعرف عندنا بالقلادة بس نستخدم تين ومشمش مجفف
حمرناها في السمن اللي حمرنا فيه البهارات
بعدما اصبح كل شي جاهز عندنا
حطينا البهارات اللي حمرناها في علبة البهارات وأضفناها لخليط المشمش
ثم أضفنا المكسرات والفواكه المجففة للخليط
وأصبحت دبيازتنا جاهزة
تركناها تبرد ووزعناها في علب لتوزيعها على الأهل والحبايب
وبالعافية 🤍
#دبيازة #دبيازة_العيد #دبيازه_حجازيه #دبيازة_حجازية #دبيازه #فطور_العيد #فعاليات_ء
Негізгі бет الدبيازة الحجازية بطريقتي
Пікірлер