አመ ፭ ለሐምሌ ምልጣን ለጴጥሮስ ወጳውሎስ | Petros wePawilos Miltan 2020
እስ፣ ሕዝብ ቅዱሳን ሐዋርያት ክቡራን አርድዕት ልዑላን አዕማደ ቤተ ክርስቲያን ሰመየ ስሞሙ ደቂቀ ብርሃን ጴጥሮስ ወጳውሎስ ወኵሎሙ ሐዋርያት ፈድፋደ ቦሙ ሞገስ በኀበ ኵሎሙ ሕዝብ።
አመላለስ፤
ወኵሎሙ ሐዋርያት፣
ፈድፋደ ቦሙ ሞገስ በኀበ ኵሎሙ ሕዝብ።
እስ ዘሰ፣ ምሕሮሙ ኢየሱስ ለአርዳኢሁ ለእለ መጽኡ ኀቤሁ በዕለተ ሰንበት ወይቤሎሙ ለእመ ሰማዕክሙኒ ቃልየ ወተአገሥክሙ በሕግየ ወለእመ ሰማዕክሙኒ ዘንተ ትእዛዘ ዘእኤዝዘክሙ አነ አዘንም ለክሙ በረከተ እስመ አነ ውእቱ አምላክ ኄር ዘእክል ረድኦ ወእክል አድኅኖ እክለ ኅዳጣተ አብዝኆተ እክል ባርኮተ እክል ይቤ እግዚአብሔር።
አመላለስ፣
እክለ ኅዳጣተ አብዝኆተ እክል ባርኮተ እክል፣
ባርኮተ እክል ይቤ እግዚአብሔ።
አንገርጋሪ፣ ይቤሎ ጴጥሮስ ለጳውሎስ ጥባዕኬ እኁየ ጳውሎስ ወኢትናፍቅ እምዝ ዳግመ ኢንመውት ዳግመ ወእምዝ ዳግመ ኢንመውት።
ምል፣ እምዝ ዳግመ ኢንመውት ዳግመ
ወእምዝ ዳግመ ኢንመውት።
አመላለስ፤
ወእምዝ ዳግመ፣
ዳግመ ኢንመውት ዳግመ ኢንመውት።
ሰላ፣ ሃሌ ፮ ይእቲ ማርያም እምነ ወእሙ ለእግዚእነ ሰአሊ በእንቲአነ ከመ ይምሐረነ ወይሣሃለነ ያስተርኢ ኂሩቶ በላዕሌነ። ሠርዐ ለነ ሰንበተ ለዕረፍተ ዚአነ ፍሥሓ ወሰላም ለእለ አመነ።
𝐘𝐨𝐮𝐓𝐮𝐛𝐞: 𝐙𝐢𝐤𝐫𝐞 𝐊𝐢𝐝𝐮𝐬𝐚𝐧
Негізгі бет ሐምሌ ጴጥሮስ ወጳውሎስ ምልጣን | Hamle Petros wePawlos Miltan 2020
Пікірлер