🪁№ 84 «Кәусар» балабақшасында «KIKUS әдістемесі арқылы балалардың сөйлеу мәдениетін дамыту (зерттеу) жолдары» инновациялық жобасының аясында «Өлең - сөздің патшасы» атты ата-аналар арасында мәнерлеп оқу сайысы өтті.
🪁Мақсаты ата-аналар арасында мемлекеттік тілдің қолданыс аясын кеңейту, мемлекеттік тіл - қазақ тіліне деген және өз ана тілдеріне деген құрмет сезімін қалыптастыру.
🪁Қазіргі заман талабында отбасы баланың оқу тәрбиесіне араласу қажеттілігі айтылған. 🪁Сондықтан ата-ана мен балабақша арасындағы ынтымақтастықты дамыту өзекті мәселе боп отыр. Ата-анамен балабақша ынтымақтастығы, баланы оқыту мен тәрбиелеу - баршаның ісі. Отбасының да, балабақшаның да мақсат-мүддесі біреу - ол болашақ ұрпақ тәрбиесі. Болашақ азамат тәрбиеленетін алғашқы ұя - отбасы, ата-ана құшағы. Жас сәбидің алғашқы еститіні анасының мейірбан сөзі, көретіні анасының аялы алақаны.
🪁«Ұяда не көрсе, ұшқанда соны іледі» немесе «Әке көрген оқ жонар, ана көрген тон пішер» деген де осының айғағы. Яғни, ата-анасының өнегесі, өнері балаға үлгі болатыны, бала үйде қандай игі істерге тәрбиеленсе ұядан ұшқанда да сол өнеге-өсиет оған сарқылмас қазына болары сөзсіз.
🪁«Балабақшамызда барша отбасыларға үлгі ретінде «Өлең-сөздің патшасы» атты мәнерлеп оқу байқауын ұйымдастырдық.Сайысқа негізінен, балабақшамызда тәрбиеленіп жүрген өзге ұлт өкілдерінің ата-аналары, орыс тілді ортада өсіп, қазіргі уақытта қазақ тілін меңгеріп жүрген ата-аналар қатысып, қазақ ақындарының өлеңдерін мәнерлеп оқып, өз өнерлерін көрсетті. Бұл әрдайым қазақ тілінің мәртебесін арттыруға үлес қосып, әрбір тәрбиеленушіміздің тек балабақшада емес, отбасында да ана тілінде таза сөйлеуі мақсатында жасалып жатқан ата-аналармен жұмысымыздың дұрыс бағытта келе жатқанының көрінісі, тәтті жемісі, үлкен жетістігі деп білеміз», - деді балабақша меңгерушісі Балауса Толеугалиевна.
🪁Сайысқа қатысушыларға тарихшы, этнолог «Қара шаңырақ» қоғамдық бірлестігінің негізін қалаушы Тұрар Сәттарқызы мен «Шолпы» қазақша кітап оқу клубының жетекшісі Арайлым Ризақызы бастаған қазылар алқасы әділ бағаларын беріп, жеңімпаздарды анықтады.
Барша қатысушылар «Мадақтама» және «Алғыс» хаттармен марапатталды.
🪁Сайыстың қорытындысы бойынша, «Бәйтерек» тобының ата-анасы Леоненко Юрий Александрович 1орын, «Тілашар» тобының ата-анасы Масалимова Эльвира Сайдахметовна 2 орын және «Ботақан» тобының ата-анасы Ягмусова Ақерке 3орын иеленді.
🪁«Жұмыла көтерген жүк жеңіл» демекші, осындай кішкентай қадаммен, үлкен адыммен «отбасы - балабақша» бірлесе ынтымақтаса отырып, оқу тәрбие жұмысын мақсатты жүргізе отырып біз елдің, халқының дәстүрін сыйлайтын ұлтжанды жеткіншек өсіріп шығатынымызға кәміл сенеміз.
🪁Сайысты ұйымдастыруға атсалысқан балабақшамыздың барша ұжымына, қолдау білдірген барша ата-ана аналарымызға алғыс білдіреміз!
Тег: #Кәусарбалабақшасы #Астана #Өлеңсөздіңпатшасысайысы #KIKUS
Негізгі бет «Өлең - сөздің патшасы» атты ата-аналар арасында мәнерлеп оқу сайысының жеңімпаздары марапатталды
Пікірлер: 1