#azerbaycan #lerik #gezmeliyerler
Bu bulağın suyundan içən 4 xanım bir quzunu yesə də, doymur
Yolumuz uzunömürlülər diyarı, Azərbaycanın gözəl, gəzməli bölgələrindən biri olan Lerikədir.
Uca dağların qoynuna, meşələr, yaşıllıqlar diyarı Lerikə, Piran kəndinə gedirik.
“Bal süfrəsi”nin qonağıyıq. Düzü, başımızın üstündə gəzişən arılar adamı ilk baxışdan ürkütsə də, ciddi təhlükə yoxdur demək olar.
Ərazisi 3 hektar olan turizm müəssisəsində arıçılıq təsərrüfatı fəaliyyət göstərir, keçi saxlanılır və keçi əti, keçi südü, keçi pendiri istehsal edilir.
Arıçılıq təsərrüfatına 2 arı yeşiyi ilə başlayan müəssisə sahibi 25 ildir bu peşə ilə məşğuldur. Artıq 100-dən çox arı ailəsi var. O deyir ki, əsas məqsəd bal məhsulunu artırmaqdır. Bu il 5 kq alan gələn il 10kq alır. Müəssisə əsasən bal satışı edir. Balın qiyməti 25-30 manatdır.
Müəssisənin ərazisində bir neçə şəxsi ev var. Burada ümumilikdə 9 otaq, 3 qonaq evi fəaliyyət göstərir.
Arıçı Lerik balının fərqindən, ləzzətindən danışır, həm də əyani bal süfrəsinə qonaq edir. Düzü, bal sevməsəm də, bağda açıq havada çayla dadına baxdım. Belə başa düşdüm ki, balın şanı daha ləzzətliymiş. Həqiqətən də uzunömürlülər diyarı Lerik balı çox dadlı və fərqlidir. Fərqi belə izah edilir ki, burada təbiət, ağac, ot örtüyü, çiçəklərin keyfiyyəti rol oynayır. Lerik bağı həm də flora, faunasına görə digər yerlərdən seçilir. Bəlkə də baldakı ləzzət suya görədir, bu balda olan mikroelementlər digər rayonlarda olan bala görə fərqlənir.
Sonda yeşik açılır və zəhmətkeş arıları görürük. Allahdan bizi dost bilib, toxunmurlar. “Səfalı Göl” ü görmək, göl kənarında nahar üçün Bilnə kəndinə yola düşürük.
Bizi meşə içərisində göl, çay qarşılayır. Bu məkanı sevənlər artıq bu ildən ilin 4 fəsli istədiyi vaxt bura gələ, təbiət qoynunda, göl kənarında müxtəlif mətbəxlərin təamlarını yeyə, hər iki gölün ətrafında gəzişə, burada gecələyə, qədim insanların yaşadığı Büzeyir qalasına turla gedə bilərlər. Deyirlər, Bülüdül kəndində mineral su var ki, o sudan içib, xanımlar 4 nəfərə bir quzunu yeyər, amma yedikcə acar.
Video Publika.az saytının hazırladığı fotoreportaj əsasında ərsəyə gətirilib.
Негізгі бет Lerik rayonunda SİRLİ KƏND: Bu bulaqdan su içən 4 qadın...
Пікірлер: 15