Lerik rayonunun Sivəkəran kənd sakini Qurban Fərziyevin elə bir istedada malikdir ki, onun bu bacarığını görənlər heyrətlərini gizlədə bilmir. Əl işlərini balıqqulağı materiallarından hazırlayan ustanın əsərləri xarici turistlərin də diqqətini cəlb edib.
İxtisasça reklam tərtibatı üzrə icraçı rəssam olan Qurban Fərziyev bu işlə 14 ilə yaxındır məşğul olur. Onun ilk əl işi istirahət mərkəzilərindən biri üçün hörmə üsulu ilə kiçik çay daşlarını hissə-hissə yığaraq hazırladığı böyük bir şəlalə olub. Gildən müxtəlif heykəllər, heyvan fiqurları düzəldən usta hazırda su pərisi və onun mağarası üzərində çalışır.
Lerik sakini Qurban Fərziyev: “Tellərlə işləyirəm, əvvəl eskizini qururam, sonra “setka” ilə hörürürəm, üstünü doldururam. İş quruyandan sonra başlayıram balıqqulağı ilə işləməyə.”
Qurban Fərziyev hazırda gördüyü işi tam yekunlaşdırmaq üçün təqribən 50 kisəyə yaxın balıqqulağından istifadə edəcəyini deyir. Usta bir dəfə yaratdığı əsəri ikinci dəfə başqa məkanda işləmir.
Lerik sakini Qurban Fərziyev: “İş olur bir ay çəkir. İş olur bir il çəkir. Elə işlər də olur o da insanın əhvalından asılı olur. Əhval-ruhiyyə yaxşı olanda iş tez başa gəlir. Olmadı iş yubanır biraz.”
Lerik sakininin əl işləri bölgəyə gələn xarici turistlərin də diqqətini cəlb edib.
Lerik sakini Qurban Fərziyev: “Ərəb turistlər iş istəyib məndən, İrandan iş istəyən olub. Yerli adamlar da çox maraq göstərillər.”
İndi Qurban Fərziyevin ən böyük arzusu özünün şəxsi emalatxanasının olmasıdır. Usta deyir ki, emalatxanası olsa bu sənəti öyrədəcək şagirdləri də olar, həm də düzətdiyi əl işlərini sərgiləyə də bilər.
Негізгі бет Lerik sakini balıqqulaqlarından möhtəşəm mənzərələr yaradır
Пікірлер: 192