الفرق بين غرفة التفتيش و الجاليتراب
إحنا قولنا ان لازم نستخدم غرفة تفتيش فى الصرف التقيل , قبل م يروح على المطبق .
والمطبق هو البلاعه اللى فى الشارع , اللى عليها الصرف العمومي .
طيب .. هل صرف الأحواض و البانيو و الغسالات , بيروح على غرفة تفتيش الأول ؟؟
ايوة .. طبعا كله بيروح على غرفة التفتيش .. بس دول بالذات بنوديهم على جاليتراب الأول .
و الجاليتراب : هي زي غرفة التفتيش بالظبط ، بس أصغر فى الحجم .
و مبيدهخلش عليها الصرف التقيل خالص .
كمان صرف المطر ، بيكون ليه ماسورة صرف لوحدها ، وبتروح على الجاليتراب بردة .
عشان لو حصل اي انسداد أو اي مشاكل ، أقدر أصلحها من الغرفة ده
ويكون فيه فصل تام مابين
( الصرف العادي ؟ والصرف التقيل ، و الصرف العمومي )
ده الصح و المفروض يتعمل ، بلاش استسهال ياجماعه ، والتوفير يكون فى مكانه .
مش هستفاد حاجه لما أوفر وأعمل كارثة بعد كدة ، انتوا اللى بتتعبوا و الله فى الأخر .
وبلاش الإختراع العجيب اللى بيسموه مزراب ده ، عشان نوفر تمن الماسورة ، نحطه فى كل حته ؛ البلكونات و الأسطح .. وتلاقى مع اي شوية مطر ، العمارة بتنقط من كل حته فى الشارع ، كانها عماره مخرمه من كل الاتجاهات .
إمشي فى اسكندرية أو اي منطقة ساحلية وشوف بنفسك لو مش مصدقني .
متنساش بقى الجرجوي اللى بيتحط فى السطح عند أوطي نقطة
كانه بيبه كدة ، بنجمع عليه ماية المطر ، و نصرفها عن طريق ماسورة صرف لغاية الجالتراب تحت .
#محمود_مختار
#mahmoud_mokhtar #تصميم #تصميمي #هندسة #معماري #تشطيب #متابعه #مصر #egypt #هندسه_معماريه #مصر_القاهرة_الإسكندرية_وجميع_المحافظات #تنفيذ #تجديد #غرفه_التفتيش #الجاليتراب #صرف_صحي
Негізгі бет الفرق بين غرفة التفتيش و الجاليتراب
Пікірлер