✅ الغـــــولة 💚
أداء : هـــــاله
الحان وكلمات: علي الكيلاني
الليل بطــوله
ونا نقول كيف أمي تولي غــــــولة
ما نمت نتقلب
الليل عوافي
وأنا واخذه والع الضي وطافي
وما حسبت مولاة الحليب الصافي
تغلّظ عليـــــــا الكبد ليها صـــوله
غربال في يديها وست مشــــــافي
والعيون حمـــــــراء وفمها قازوله
نا كنت نسمع بالحبيب الجـــافي
و مــاني مصدق لين ريت الغوله
وأنا جيتها زايد علي أريـــــــافي
وهي أتكر ونا أنفر جـــولة بـ جوله
وثريت الظاهر غالب اللي خافي
وثريته حليب أمي بطل مفعــوله
الليل إيهود
أتجيني الغولة فيه مش متعـــــــود
أنشـــــــوب انوخـــــــر لاوره ونزود
نكمل منـــــــامي نقول لوله لوله
[[ لوله غلاه عليك العقل ما أجداك يا علم ]]
الليل إيهود
أتجيني الغولة فيه مش متعـــــــود
أنشـــــــوب انوخـــــــر لاوره ونزود
نكمل منـــــــامي نقول لوله لوله
أنحوم على فراشي تقول غير أنرود
وهي تقـــــــول يبرم عـ القفا قولوله
واخذ كتـــــــاب الله فيه أنجــــود
خايف من أمي ومتكل على المولى
موش فاهمها
أمي اتجي غوله ولا نهضمهـــــا
الســـــابق الغرة قاضه محزمها
قدام خلـــــــق الله مش معقـــــوله
جيت شورهـــــا باللطف بنفهمها
قاتلي الغـــــزيل فيه قوله لـــــوله
من عند ربي صـــــورته راسمها
ســـــاقة رقيقه ورقبته مسلوله
تبكشت وين ما جيت بنكلمهـــــا
أثريت حق يا مطول أحبال الدوله
هيا هيا
جت غـــــــايره تالي الليل عليا
قاضه محزمها غير في سوريه
اللي قبل من عيل الجار خجوله
وفيدها عجينة وجلف خبزة نيه
وعكـــوزها مـ السدر هاضا طوله
واللي دوايــــــا قبل تمت ليه
واللي قبل يســـــابق بدت منطوله
مـولية خشينة نـــــاسية الحنية
خفيفة الحجه وســـــايبه وعجوله
إيدي على خدي خبطت إيديـــــا
وقلبي وقف والذاكرة مشلـــــوله
اللي قبل شرهـــــابه ترحب بيا
تقول موش ولدي وكل شئ ديروله
لا تذوقـــــوه وكـــــــال لا الميـــــه
إيذوقهـــــا وكل كل شئ من حوله
وريتهـــــا وشمة وعـــــــلامة فيــا
بالك نسيتني والزمـــــان وهــوله
ثريته الله الله تقتـــــل فيـــــــا
تبيني أنجرب بيش هي مقتوله
ساعتين واقف وهي ادور عليا
ولا قدرت نجلس والوطا مبلوله
لا قـالت نطرحله البطـــــــانيه
وإلا حصيرة بـــــايدة مـــــــدوله
ثريت الودودة ما تبيش الجيه
وثاريتها كيف علتي معلـــــوله
تقـــــولي تقـــــوليش لين فيـــــــا
وتشيلني في وين هي مشيوله
ما دير هــ المـــــدار كانها حيـه
غير قولة كلمة من العرب مقيوله
هيا قدا القـــــــدرة الربـــــانية
واللي أتجي من قدرته مقبـــــوله
وهـــــاذي قصيدة لأمتي العربية
باش ما يشكش حد فـ اللي نقوله
الليل بطوله
ونا نقول كيف أمي تولي غـــــولة
ما نمت نتقلب
Негізгі бет Ойын-сауық الغولة - هاله محمود
Пікірлер: 4