في نفس السفريه في ابريل2024
سفريه كان فيها ست دول بس الاقامه كانت في دولتين منهم
بروكسل في بلجيكا و فيينا في النمسا
وكان اختياري لهوستيل فيينا علي اساس القرب من وسط فيينا و القرب من محطه المترو و تقيمه علي موقع بوكنج
وكان اختيار ممتاز
حجزت السرير في غرفه فيها 10 سراير واتعرفت علي ناس جديده من بلاد مختلفه من كندا و المانيا و النمسا و الصين و اليابان
كان كل يوم بشوف اشخاص ولغات جديده
تجربه جميله نظرا لتدهور الجنيه المصري
و لحبي الشديد للسفر
بقيت بدور علي ارخص اماكن الاقامه ويكون جودتها مناسبه
الهوستيل كان فعلا ممتاز وكان قريب من كل شي
كان قريب من المترو حوالي 3 دقايق مشي
وجنبه اتنين سوبر ماركت فيهم كل شي ممكن تحتاجه
وكان قدامه سوق شهير جدا من اشهر اسواق فيينا اسمه ناش ماركت
حبيت المكان وخصوصا اني كنت محظوظ اني اول واحد يقيم في الغرفه اللي فيها عشر سراير
واختارت السرير المناسب ليا وسرير فردي يدون دور علوي وجنب الشباك
والغرفه كانت علي دورين وكانت واسعه جدا ومميزه والتعامل من الشباب و البنات في الغرفه كان في منتهي التحضر
بالرغم من حبي للخصوصيه واني واجهت شويه متاعب في اني ابقي نايم جنب ناس اغراب عني
بس بجد كل واحد بيكون في حاله وكله نفس الدماغ الواحده في حبهم للسفر و محاوله توفير نفقات الاقامه لعمل شي افضل
خصوصا انك بتكون محتاج فقط مكان تحط فيه شنطتك وتنام فيه بالليل
لان زي اي حد مسافر للسياحه بيكون خارج الفندق او الهوستيل طوال اليوم وبيروح بس عالنوم
ومع اختلاف مده اقامه كل فرد بينزل معاك في الغرفه
بيتبدل عليك ناس بجنسيات مختلفه كل يوم وبتسمع لغات جديده و بيكون عندك الفرصه انك تتعرف علي ناس جديده من بلاد مختلفه
والنصيحه
انك تختار هوستيل تقيمه فوق 8.5 علي موقع الحجز
وانه يكون قريب من المزارات
وقريب من وساءل المواصلات
والاحسن انك تدخل تحجز الهوستيل بنفسك من علي موقع الهوستيل عالانترنت
عشان توفراكتر قيمه عموله موقع الحجز
Негізгі бет الهوستيل في أوروبا - ڤيينا - النمسا - ٢٠٢٤
Пікірлер: 2