الأراضي العثمانية كانت فيها بزاف الأنواع المستوحات من الشريعة الإسلامية بحال الأوقاف، الأراضي الأميرية، الأراضي الموات...إلخ.. والأراضي لي كتشكل 70 في المائة من هدشي كانت سميتها الأراضي المملوكة أو المشاع.. ولي هي أراضي ما كتباع ما كتشرى.. غي الناس لي ساكنين فيها كيستغلوها بالزراعة وكيستافدو منها وعايشين فيها بكل بساطة... النظام العثماني كان غااارق فالكريدي وفواحد الفترة بان ليه أنه خاص يكّلب الناس بالضرائب باش يحرك شوية الصندوق ديال الدولة.. وبدى يقول لعباد الله كتبو هاد الأراضي المشاع بسمياتكم باش هو من بعد يعرف من عند شكون يشد الضريبة.. الشعب ما بغاوش ليه هاد القرار وحتى واحد ما بغى يسجل الأرض فالاسم ديالو وتبقى محسوبة عليه كيخلص ضريبة طالعة.. تدارو بزاف التعديلات القانونية باش يلقاو شي تفاهم مع الشعب ومع ذلك ما صدقش ليهم البلان.. والأراضي بحالي دخلو ديك الساعة فالملك ديال الدولة.. ما بقاتش مشاع كيستافد منها الانسان لي قادر يخدم فيها.. كيفما كاين داب فالدولة الحديثة ما عمرك ما غادي تلقى شي بقعة أرضية فشي منطقة نائية وتقول هادي ديال الله.. نحييها ونسكن فيها.. غادي تجي دق عليك دولة تقوليك.. سبحان الله أ الشريف من أين لك هذا.. الدولة الحديثة ولات كتمتالك الأرض لي داخلا فالحدود ديالها.. أما قبل كانت الدول غي كتحمي الأراضي لي داخلة فالحدود ديالها.. كان هدشي بشكل عام باش نفهمو الأرض الفلسطينية راه مجموعة من الناس ساكنين فيها منذ الأزل ولكن واحد الوقيتة الدولة العثمانية تملكات دوك الأراضي حيت الناس ما بغاوش يحفظوها بسميتهم حيت غادي تنزل عليهم بالضريبة..
التسلسل ديال الأحداث غادي يبدا بالضبط بالحدث ديال انعقاد المؤتمر الصهيوني الأول فسويسرا سنة 1897 وفيه ثيودور هرتزل غادي يعلن على مشروع إنشاء وطن قومي لليهود وبالتالي إنشاء المنظمة الصهيونية العالمية..
Негізгі бет الجزء الثاني 2 - الـ.ـصـ-ـهـ.*ـيـونـ._ـة، عقيدة أم قرار سياسي ؟
No video
Пікірлер: 25