لله يا زين الطلعة | زجليات محمد شهابي
لله يا زين الطلعة و السمية
و حق من وصل ليك سلامي
كرمني بالنظرة و جود عليَّا
نشوفك الليلة في منامي
نكحَّل من صورتك عينيا
يزول همي وتبرى سقامي
ما درت باش نلقاك في هاد الدنيا
ضيعت صلاتي و فرطت في صيامي
مانفقت ما تصدقت لا كثير ولا شوية
غرقت في ذنوبي وتهت في وهامي
فين أنا من صحاب الصفا والنية
زوقت لكلام و فضحاتني فعالي
من غير شفاعتك أنا شكون ليا
يا مول الشفاعة والجاه العالي
دخَّلت عليك بالشرفا و الأوليا
لا تخيب رجايا و لا ترد سوالي
لا تفوتني في هاد الحال والبلية
قلاَّت حيلتي و ضياقت حوالي
وصلاة الله عليك دايمة مروية
على كل لسان تبدا قبل ما تسالي
Негізгі бет لله يا زين الطلعة | زجليات محمد شهابي
Пікірлер: 1