للمدينة واشوقي للمدينة واشوقي للمدينة واشوقي طيبة الفيها معشوقي *************** يا روحي لي رُوقِي ومن الغفلة لي فُوقِي أَدْعِي الله يَحِلْ طُوقِي ويَهُونْ لي طَيبَتُو مرُوقِي *************** طِرِيت سُوحُو العَطِيرْ ومُزَانْ وزورتُو بتَمسَح الأحْزَانْ نَهِيمْ حين تَطْرُقْ الآذَانْ تلاوة اليَتْلُوا والآذان *************** طَرِيتْ سُوح سيد الشهداء وابَتْ الروح تَقِرْ تَهَدَأ به وبالشهداء زِيدْنَا هُدَي كما الإجْتَهَدُوا نَجْتَهِدَا *************** يا مادحو ردد وعِيدْ شَمَايلْ الشوفتو أعظم عِيدْ ما أظنك تَرَانِي سعيد مًا دَامْ سيدي مِنِي بعيد *************** رسولا حالي الإيناس نقيا صافي من أدناس سعيد الخَصَّه رب الناس يَجَاورُو ولو يكون كَنَاسْ *************** مَرَاحِمْ جُودُو واسعَانِي ودايما عينو ترعاني كتير من فُرقَتُو أَعَانِي أظِنُو ذنوبي مانعاني *************** نسيم الروضة غير إخْطَارْ أتاني وفَوَّحْ الأَعْطَارْ نومي الحالي وَلَّة وطَارْ وسَيَّلْ دَمْعِي كالأمطار *************** صلاةً عَدَ مَنْ كانوا لِطَه آلو واعوانو محمود قوي إيمانو كذالك وأكرم إخوانو *************** كتبت بحمد الله وتوفيقه اليوم الأربعاء الموافق ٣/ ٤/ ٢٠٢٤
Пікірлер: 1