كلمات فواز السعيدي
أداء : العذب
g.top4top.io/m...
توكلنا على الله ويالله فالتساهيل
ومن يتكل على الله فلا حوله مخافه
عصبنا روسنا واحتزمنا للرياجيل
فزعنا كلنا لعنبو جد الضعافه
تحرك موكب هذيل مع نعمان والسيل
تجاذبنا الحميه على طوي المسافه
حسبنا ماتخفّيه الايام المقابيل
وجينا مستعدين ماجينا حيافه
ماجينا غير نرهي على شرب الفناجيل
فناجيل التحدي تبا عزم وصلافه
يمثلنا شجيعٍ وجوده يعدل الميل
له اسمً يرعب القوم حتى فالصحافه
ياراع الناهيات احتزم في ربعك هذيل
وزيد الغطرسه والتبجّح والانافه
هل الحمر السواحل تروح احلامهم ليل
نقول الله يعوض عليهم فالكلافه
نشوف الكل منهم ماغير يحط ويشيل
وزحمتهم قويه على بنك الصرافه
هقاويهم كبيره على جني المحاصيل
وكم من واحدً ماجنا غير الحسافه
لو يروحون يم القمر والجدي وسهيل
يجيهم فارس هذيل يفهقهم خلافه
ليا حوّل بحمرٍ تغيض القوم بالحيل
يجي في خطّر القوم ضيقه واختلافه
عليها مدخل الزين ماغيره مداخيل
وشاهدها تجي بصمته قبل اعترافه
وبرها مثل نارٍ عليها البن والهيل
مقندها كريمٍ فتح باب الضيافه
تناسقها مجمل ولاتحتاج تجميل
بعيده عن يدين العبث من كل تافه
لها في ساحة العرض شعبيه وتفضيل
وجمهورٍ يزيد البدو .. وعي وثقافه
يابوخالد جهودك سحابً عقّب السيل
على الارض السنيّه نشا واضفا لحافه
ثمرة العلم تكفيك عن كثر التفاصيل
ترى لولاك محدن بنا جسر الرصافه
Негізгі бет الناهيات منقية فارس اللحياني - كلمات فواز السعيدي - أداء : العذب
No video
Пікірлер: 40