الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
زوجي صوام قوام ولكن عنده كل صفات النرجسية
ارجوك حلقة عن النرجسي المتدين صلاة اذكار قرآن وفي المقابل سوء تعامل في البيت ومع الاولاد اغلب الوقت مع الغياب الدائم والانانية المفرطة شغل خارج البيت اهتمام بالعائلة الكبيرة الام الاب اخوته وابناءهمهم واهمال لي ولأولاده ارجوك حلقة خاصة لأني كدت اجن في فترة سابقة اعتبرت نفسي عاصية انتظرك لا تخذليني واتوكل على الله في تجاوبك مع سؤالي مشكورة
دي مش الحالة الوحيدة اللي بتقول الكلام دة ، وللأسف الشديد جدا مضطرة أتكلم في الموضوع بالرغم من حساسيته الشديدة الا ان الوضع اصبح مخيف لدرجة ان الزوجة ممكن تشك في وجود ربنا وتشك في الدين اللي زوجها بيدعيه فلازم نوضح الامر دة كويس عشان الناس تفهم وماتشكش في ربنا لا تشك في الزوج مدعي التدين ، كمان حالة قالت جوزها بيصلي قيام وبيزني وعنده علاقات من اول يوم اخدته وهي مش فاهمة ازاي
شوفوا اللي بيحصل للزوجة لما تشوف زوجها بيصلي في المسجد وبيصوم النوافل وبيقرأ قرآن ويقول اذكاره وكل الطاعات بيعملها وفي نفس الوقت شايفاه ظالم لها ولاولادها بتفكر ازاي الأول تشك في نفسها وتقول اكيد انا فيا حاجة غلط اكيد لما انا اشتكيته لامي ربنا عرفه وهو مش بيقول لي بس متضايق مني ومش عايز يتكلم بس اخد جنب مني ، او تقول يمكن انا ضايقته في حاجة او يمكن انا مش مشبعاه اه عشان انا مش بيضا زي ماكان عايز او مش سمرا زي ماكان بيحب ، او تخينة او رفيعة او أي حاجة ماهو اكيد المتدين هو اللي على حق وممكن أكون أصلا ربنا سادد نفسه عني عشان انا مش ملتزمة زيه ، وشوية شوية تبدأ تتقرب من ربنا وتلتزم زيه وهو ظلمه يزيد وهي تبدأ تتلخبط تاني وبعدين مع الضغط الشديد بتلاقي نفسها بدأت تشك هو ربنا بيحبه وبيكرهني ،هو ربنا سايبه يظلمني هو فين ربنا اللي سايب دة يحصل وهو الدين اللي بيعتنقه الراجل دة مش بيمنعه عن الظلم ازاي وهل الزنا حرام ولا لا وبتبدأ اللخبطة والشياطين تعيش جوة مخها جانبا الى جنب مع النرجسي ، دة بيحصل للزوجة وللاولاد في بعض الأحيان ، عشان كدة لازم نفهم الحكاية دي ونفهم ان العيب لا فيكي ولا في الدين ولا في ان ربنا حاشاه راضي بالظلم او بيحب الظالم وخصوصا ان الحاج العظيم الناس بتبجله والفلوس بتجري في ايده وكل الناس بتقول له ياسيدنا الشيخ ويا حاج وهو مايعلم بحاله الا ربنا وزوجته واحيانا أولاده ،
شوفي ياستي ربنا بيقول ايه ان الصلاة تنهى عن الفحشاء والمنكر ، صح؟ طيب احنا بنتكلم عن صلاة الفروض مش النوافل النوافل دي حكاية تانية مش حنتكلم فيها انا الأول حتكلم عن الفروض وبعدين حندخل في موضوع قيام الليل ، صلاة الفرض اذا لم تنهى صاحبها عن الفحشاء والمنكر فهو ايه ؟ فهو لم يقم الصلاة كما ينبغي ، صلى صلاة الجسد ولم يصلي صلاة القلب ، ما اخدش من صلاته غير الحركات والعقل ذاهب ولا يعي مايقول ، فاي صلاة دي اللي حتنهاه عن الفحشاء والمنكر اللي اشبه بالتمارين الرياضية لا عقل فيها ولا قلب ، هي دي صلاة المنافق النرجسي اللي انتي بتشوفيها وتقولي بيصلي ولو كان بيصلي في المسجد كل الصلوات وبييجي يظلمك ويظلم أولاده او يخرج يعمل علاقات او يخلص صلاته ويفتح أفلام اباحية فهل دي صلاة هل هو فعلا متدين هل انتي عقلك فيكي لما تقولي بيصلي وبيعمل كذا وكذا ، مش انتي قرأتي في كتاب ربنا ان الصلاة تنهى عن الفحشاء والمنكر ولقيتيه صلاته مانهتوش يبقى تكدبي مين تكدبي ربنا ولا تكدبي صلاته وتشكي في انه بيصلي في المسجد رياء وانه بيصلي في البيت نفاق ، وتعالوا بقى نشوف كارثة تانية لما تسمعي حد بيقول ان فلان قوام وبيقيم الليل تفهمي أيه تفهمي انه بيقوم يصلي في جوف الليل والناس نايمة ولاحد ولا مخلوق شايفه ولا حتى زوجته طيب عرفت ازاي انه قوام ، تصحى قبل الفجر تقضي حاجتها فتتفاجيء بيه واقف على مصليته يبكي لله او قاعد ماسك مصحفه وبيقرأ وبتشوف الخشوع فيه ظاهر وواضح هو دة القوام اللي بيصلي لربنا فقط مش لكي ولا للناس دة اللي نقول عليه قوام لكن اللي بيصلي الشفع والوتر دة مايتقالش عليه صلى قيام اللي بيخطف ركعتين بعد سنة العشا ويدعي انه احيا الليل فدة متوهم ، القيام واحياء الليل له قواعد وله حكايات ووله شواهد واسمعوا للمشايخ اللي بتتكلم عن قيام الليل عشان تفهموا يعني قيام الليل عشان ماتتلخبطوش ويتهيألكم ان اللي يخطف ركعتين بقى قوام وبعدين تلاقيه بيزني فتشكي في دينك وتفقدي عقلك ، خدي بالك ان المنافقين كانوا بيقعدوا مع سيدنا النبي عليه الصلاة والسلام ويتكلموا معاه ويصلوا معاه وكان بيعجبه حديثهم وظاهريا مكنش يعرف انهم منافقين لحد مانزلت فيهم الايات ولو ربنا كان عايزه يعرف كان عرف لكن لان دة درس حيستمر على مر العصور فربنا نزله قرآن يتلى الى يوم الدين لان المنافقين موجودين الى يوم الدين ، فحتى تمثيل الصلاة اكيد حيعرفوا وتمثيل الخشوع حيعرفوا ، فابدا ماتتلخبطيش وراقبي الأفعال اذا لم تتوافق مع المظهر الديني فلازم تشكي في الشخص وتفهمي انه منافق مش انتي اللي فيكي حاجة غلط ولا دينك فيه حاجة غلط الغلط في المنافق
لكن اذا بتصحي في نص الليل تلاقيه واقف يبكي لربنا ويستغفر ويشكي حاله لله والصبح بيعمل حاجات مش مفهومة وييجي عليكي عشان امه او يعصي ربنا في بعض أشياء فتأكدي انه عاصي وعايز الهدى وربنا حيهديه ودة لا نرجسي ولا منافق ، بس خدي بالك انا بقول اذا قمتي فجأة وبدون مايشعر بيكي ولقيتيه ع الوضع دة يعني تكوني متأكدة ان مفيش حد شايفه غير ربه ساعتها أقول لك ولا لنا فيه ولاننطق في حقه ولا حرف وربه اعلم بيه وماعليكي غير انك دايما تذكريه بربنا ولما يظلمك تقولي له اتق الله ، فاذا لم تأخذه العزة بالثم فهو مش نرجسي ولا منافق .وبس
#صحةـنفسية #القوة #الاكتئاب #النرجسي #النرجسية
Негізгі бет النرجسي الصوام القوام اكبر منافق هو فقط مدعي التدين "حلقة مهمة جدا"
Пікірлер: 153