الليلة ليلي
محمد وردي
كلمات اسماعيل حسن
www.sudanesesongs.net
ليلى..
شِن تشبه بلا الداسينُه فى بطن المطامير
لى دروبك إنتِ ما شقّن بوابير
يا قشيش نُص الخلا الفوق فى العتامير
البكركر رعدُه ديمة سماهُ عِكِّير
السمح مرعاكِ يا قَش التحاجير...
ليلي..
الزول الولوف لى قلبى خرَاب
أنا بمشى و أتلفت لما النهار غاب
حديِثك لى اكيد وللا كضّاب
حد ما لملوموهِن خاطرى ما طاب
يا حليل ناس آمنة فى غرب الضياباب...
ليلي..
يا عجو المحس التقيل
إنتى ما بدوكِ لزولاً مِسِيكين
عِلِي واحداً نخلُه مقرون فى البساتين
سواقيهُ تصحي الكانوا نايمين
يا حِليِلك يا أم جبين يا بدر دورين
صِديرِك عان تقول غُرَر الوزازين...
ليلي..
جات تِندلّى بالوديان عديلة
الكاحلة بلا كُحُل بت القبيلة
و تمشى قدم قدم فى المشية ريلة
و تشكى من الطريحة تقول تقيلة
نفيِسك شمعوه جُوّه الفتيلة...
Негізгі бет الريله - "الليلة ليلي" - محمد وردي - اسماعيل حسن
Пікірлер: 86