المقادير
نص كيلو دقيق سمولينا(سميد)500جرام
125جرام سمن كوب الاربع
200جرام سكر كوب الشاي المتوفر فكل بيت المستخدم فالفديو سعته 200جرام
130جرام حليب كوب الا ربع ونزود عليه معلقه كبيره
ذره ملح لابراز النكهه ❤️
----
عسل البسبوسه
سائل زي الميه
يعني مقدار السكر نفسه مقدار الماء
2كوب سكر 400جرام
عليهم 2كوب ماء
عصير نص ليمونه
ورشه فانيلا بعد منطفي عليه نسيت ذكرها فالفديو
_________
ملحوظات هامه😌
------
لضمان نوع سميد جيد هنفرده ع ادينا لو ساب اثر دقيق كدا دا مغشوش للاسف
البسبوسه مببتعجنش يدوب يتغلف السميد بالخليط السائل ال تم تحصيره فقط
التسويه تكون ع فرن مسبق التسخين حراره متوسطه. تاخد اللون الدهبي المكرمل من الاطراف والوجهه يبدا يحمر خفيف من حراره الفرن نرفع الحراره من فووق ولو فرنك بيولع كل اتجاه لوحده ترفعيها تحت الشوايه مجمل مده التسويه ساعه عشان كل البسبوسه تستوي وتتكرمل من جوا بالشكل دا مقاس الصنيه المستخدم 25 ونفس المقدار يتعمل فصنيه 30في 30 لو هطبقي المقدار ع كيلو يتعمل في صاج 30في 40
ملحوظه البسبوسه تتشرب بالعسل بمجرد متخرج من الفرن العسل ساخن لكن مش بيغلي وهي ساخنه بنحضر العسل قبل مندخلها الفرن ب5دقايق بحيث تكون حراره العسل ساخن مش بيغلي عشان متعجنش معاكم 🤷♀️
الصنيه تدهن طحينه او سمنه كويس
فرنك مسبق التسخين كويس لو كهربا نظبطه ع 175ندرجه ل 180
البسبوسه شربت كل كميه الشربات المحضره فالفديو ❤️
-----
هفرح بوجودكم لو نورتوني هنا علي قناتي 👇
youtube.com/@chefemanessam-21...
ولو نورتوني هنا علي انستجرامي 👇👇
instagram.com/reel/CtuATg...
وهنا علي تيك توك👇👇
www.tiktok.com/@eman48382?_r=...
Негізгі бет لسه بتعمليها غلط‼️بسبوسه الحلواني فالبيت بمقدار وطريقه هتعتمديهم طول حياتك دوبان وترميله وطعم وهمم🤫
Пікірлер