رئيس مصر القادم !!
_____________________________
🛑 مصر والصين
________________________
🛑 دايما التركيز بيكون على العلاقات العسكرية بين مصر وروسيا .. لكن الجديد هو العلاقات مع الصين !!
🛑 الفريق / محمود فؤاد عبد الجواد قائد القوات الجوية موجود دلوقتي في الصين وقابل قائد القوات الجوية الصينية،
🛑 تم توقيع شراكة إستراتيجية مع القوات الجوية الصينية في التدريب والتصنيع المشترك ونقل التكنولوجيا المتقدمة،
🛑 وقابل الفريق عبد الجواد رئيس مجلس إدارة شركة (كاتيك) الصينية ، والرئيس التنفيذى لشركة (نورينكو) الصينية وشاف عرض للتنين الصينية طائرة طراز ( J-10 C )،
🛑 طبعاً مفهوم اللقاء ده ممكن يكون ليه !!
عاوز أقولك إن الطائرة دي هي المعادل لطائرة f16 الأمريكية،
🛑 وتعتبر مقاتلة متعددة المهام نفاثة وتلقب في أمريكا وأوروبا باسم «التنين القوي».
🛑 صناعة الدولار
_____________________
🛑 الفريق كامل الوزير وزير الصناعة الجديد
قال إمبارح أنه في حالة تطوير الصناعة في مصر سيتم ضخ العملة الصعبة، ما يقلل الطلب على الدولار ويرفع قيمة الجنيه المصري،
🛑 وقال أنه من المتوقع أن ينخفض سعر الدولار حينها إلى 25 جنيه في حالة تطوير قطاع الصناعة، وانخفاض سعر رغيف العيش من 120 قرش إلى 60 قرش !!
🛑 طبعا الراجل كلامه كفكرة وأحلام بشكل نظري صحيح إحنا لو بنصدر ب100 أو 200 مليار دولار طبعا الدولار هينزل !! لكن مين بقا قادر يحقق الأحلام دي !!
🛑 كامل الوزير قال كمان أن السائحين الألمان والروس هما أول من طالبوا بتنفيذ القطار السريع بين الغردقة والأقصر،
🛑 وقال "السائح عاوز يزور الغردقة ويستمتع بسياحة الغوص والشواطئ والسياحة الثقافية في الأقصر وأسوان وأبو سنبل وده هيقدر يوفره بسهوله القطار السريع،
🛑 كامل الوزير اتحول لشخص مدني ناجح بخلفية عسكرية،
🛑 نموذج السادات كان كده بعد ما اتعين وزير ب الثورة ورئيس تحرير وبعدهم رئيس مجلس أمة لحد ما بقا نائب رئيس ورئيس لمصر.
🛑 مدبولي
__________________________
🛑 النهارده دكتور مدبولي أعلن وقف العمل بنظام تخفيف الأحمال، وقطع الكهرباء اعتبارًا من الأحد القادم
وحل المشكلة نهائيًا قبل ديسمبر القادم !!
🛑 وده إعتذار للشعب المصري .. لكن مدبولي قدم كمان اعتذار مهم لطبيبة مستشفى بعد مشادة حصلت مع محافظ سوهاج وده اعتذار مهم،
🛑 لأنه حتى لو هي غلطت فالمحافظ شايف المستشفيات معندهاش ميزانية للجوانتيات ولا السرنجات ولا الأدوية ولا الكحول ولا الغيارات ولا الجبس وبتبعت العيانين يجيبوا كل دة من برة وبيزعق للدكتورة عشان تذكرة !!
🛑 كنز الذهب
_____________________
🛑 شركة سنتامين، مالكة امتياز منجم السكرى، بتخطط لاستخراج 5 مليون أوقية ذهب خلال 10 سنيين بمتوسط 500 ألف أوقية سنويًا،
🛑وقال رئيس الشركة إن مصر بتمتلك إمكانات هائلة فى مجال تعدين الذهب والتنقيب عنه، وإن مصر دخلها حوالي مليار دولار عوائد من منجم السكري.
🛑 كريم بدوي وزير البترول والثروة المعدنية قدر احتياطيات مصر المؤكدة من الذهب ب 7.3 مليون أوقية حالياً،
🛑 وقال إن مصر أنتجت السنه اللي فاتت 560 ألف أوقية من الذهب و 17.5 مليون طن من المعادن الأخرى، ومخطط تصل إلى 800 ألف أوقية من الذهب و30 مليون طن من المعادن الأخرى خلال عام 2030،
🛑 بالمناسبة ارتفع الذهب إلى قمة قياسية جديدة بعد تأكيدات رئيس الاحتياطي الفدرالي خفض الفائدة في سبتمبر،
🛑 وارتفع سعر الذهب إلى 2462.54 دولار للأوقية مع توقعات يوصل 3000 دولار نهاية السنة اللي جاية.
🛑 إنتقام إيران
_______________________
🛑 إيران كانت هددت بإغتيال ترامب بعد قتل قاسم سليماني،
🛑 شبكة "سي إن إن" الأميركية قالت أن أمريكا تلقت معلومات استخباراتية من مصدر في الأسابيع اللي فاتت عن مؤامرة إيرانية لاغتيال الرئيس ترامب،
🛑 وقال مسؤول أميركي إن جهاز الخدمة السرية أبلغ حملة ترامب بوجود تهديد !!
🛑 لكن البيت الأبيض قال إنه مفيش مؤشرات على أن مطلق النار المشتبه به في محاولة اغتيال ترامب كان له أي شركاء أجانب أو أميركيين،
🛑 بعثة إيران لدى الأمم المتحدة نفت الاتهام وقالت "هذه الاتهامات مغرضة ولا أساس لها من الصحة".
🛑 وقالت "من وجهة نظر إيران، ترامب مجرم يجب محاكمته ومعاقبته في محكمة قانونية لأنه أمر باغتيال الجنرال سليماني !!
🛑 إختراق فودافون كاش
________________________
🛑 النهارده حصل عطل كبير في خدمة فودافون كاش ولغت أرصدة العملاء وسحبت فلزس من أرصدة تانية !!
🛑 فودافون قالت إنها تحديثات والخدمة رجعت للعمل لكن الطريقة اللي حصل بيها العطل كانت غريبة،
🛑 وده يفكرنا باللي حصل من فترة مع شركة فوري وأكتر من خدمة دفع في مصر !!
🛑 الشركات دي مستخسرة تصرف على الأمن السيبراني عشان تحمي نفسها وعملائها !!
#السيسي #ترامب #الذهب #الدولار #البنك_المركزي #مصر #جون_المصرى #ايران #الحوثي #اليمن #السعودية
Негізгі бет السيسي يختار الرئيس القادم والجيش يجلب التنين وتصنيع الدولار وفتح خزائن الذهب وإيران تثأر من ترمب !!
No video
Пікірлер: 1,4 М.