لطلب التصميم واتساب فقط
iwtsp.com/9665...
اشترك في قناة نجم عبيدة الرسمية وفعل زر التنبيه
/ @nagem_abidah
لمتابعة المصمم نجم عبيدة على وسائل التواصل :
mssg.me/nagem_...
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
حفل الاعلامي : منصور بن نومه
كلمات : سعد بن شفلوت
اداء : فهد بن فصلا
تصميم : نجم عبيدة
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الكلمات
ياكبتن الطايره بكره تودينا
لديار ربعٍ تقدرنا ونغليها
ترى التذاكر على ابها في مخابينا
ماباقي الا الشماغ اروح واكويها
وانا وهاجوس فكري لا تمالينا
ماحن من اللي يدورها ويخطيها
غير الكلام الجزل ماهو بمرضينا
والكلمه الهزله الله لا يحييها
يامخبل اللي على العليا يوصينا
وهو وسبعين من شكله نوصيها
سلام ياللي على شانه تعنينا
ولا حسبنا المسافه يوم نمشيها
اقبل تحياتنا واقبل تهانينا
واقبل تحيات اخوياك وتهانيها
دعيتنا يالخوي المطلق وجينا
من طيبك وطيب شيبانك وطاريها
مانعتذر في لزوم اللي يخاوينا
ولا الرجال النشاما اللي نخاويها
ياخوي يامنصور والله ماتقافينا
واعذرانا والله انا مانبديها
تدري وش اللي دعانا قبل تدعينا
افعولك النادرات اللي تسويها
تسوي الطيب وتقول ايش سوينا
وتنافس اهل المراجل وانت راعيها
والله يامنصور ابن نومه لو احصينا
افعالك اللي تسويها مانحصيها
في مدحك اي والله اقدينا ولا اخطينا
ابيات الامداح تفخر بك قوافيها
وابوك في فعله المشهور غنينا
يوم المواقيف تبغى من يحاضيها
عن وقفته والله انا ماتناسينا
له وقفة كل طيب راس يطريها
من يوم جينا على الدنيا وشبينا
مافيه وقفه على الدنيا تضاهيها
وان جات لفعول جدك لا تقصّينا
حقايق صفحة التاريخ ترويها
مواقفه توجع اعدانا وتشفينا
واكبر قضيه لمنها جات ينهيها
وان كان عديتوا افعوله وعدينا
مانقدر نعدها ولا نعدّيها
وليا افتخرنا بكم ولا تباهينا
ماحن نسمي الرجال الا بساميها
نحاكي اهل الفعايل لا تحاكينا
ولا ضعوف الروابع مانحاكيها
على المدايح مواقفكم تجرينا
ياعزوةٍ فاللقا طالت يمانيها
ليا طرى طاري ال قريش فزينا
الروس تقدح سطر والطيب كاسيها
يوم الزمن مشقي العالم ومشقينا
والخيل لمع الهنادي في نواصيها
يوم السراحين بعواها تصحينا
من روس الاخصام لاجاعت تعشيها
هوماتهم مثل موجٍ يغرق المينا
واصلب من جبالها اللي فوق اراضيها
لو شاركوا في طلايع معركة سينا
توغلوا في تلابيب وضواحيها
وحنا عبيده وسبعين ونعم فينا
لين الولي يبعث الدنيا ومن فيها
سبعين والنعم والله ماتكفينا
حتى ولو كان ندبلها ونثنيها
اي والله انا خذينا النعم بيدينا
يوم اكثر الناس عنه تقصر يديها
ياللي تجاري عبيده لا تجارينا
قبيلةٍ مستحيل احدٍ يجاريها
يشهد لنا حاضر الدنيا وماضينا
وفعولنا فاول الدنيا وتاليها
وسلومنا مارث اولنا لتالينا
اللي لو نموت والله مانخليها
وليا ركبنا على الخيل وتعزوينا
اخصامنا من خريطة الارض نمحيها
ياللي تقولون حطينا وشلينا
انتوا على الهقوه اللي كنت هاقيها
لا انتوا بوالله بعيد ولا حوالينا
عبايد لحالها محدٍ حواليها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#شيلات #فهد_بن_فصلا #جديد_2022 #نجم_عبيده
Негізгі бет التذاكر - فهد بن فصلا (حصريا) 2022 | تصميم : نجم عبيدة
No video
Пікірлер: 31