بسم الله والصلاة والسلام على رسول الله المقادير كوب مياة مقاس ٢٥٠ مل مع ربع كوب زيت نباتي مع ملعقتين كبار سكر نصف ملعقة فانيليا عل النار لحتى يبلشو غلي بعدين كاسة طحين مقاس ١٦٥ غ منضيف عليها ملعقة كبيرة نشا منخلط ومننخلهم ومننزل فيهون عل المياة المغلية حرارة وسط منقلب ومنلم لحتى تصير عجينة وحدة ومنضغط ومنلم لحتى تتماسك وضعتها بوعاء ورفعت أطرافها لفوق كرمال تبرد بس بردت بنزل ب ٣ حبات بيض بالتدريج اول وحدة بنزل فيها وبخلطها مع العجين لحتى تتماسك معها وهكذا على باقي البيض اذا لقيتيها فصلت معك لاتخافي كملي عجن بالبيض بعدين بكيس حلواني وقمع جهزي العجينة كرمال تفرديها على ورق زبدة أسهل واحسن مشان ماتعذبك وتأمئم الدنية 🙆♀️ وبس لحتى تخلصي تشكيلهم جيبي مقص وقصي بين كل قطعتين مشان تسهل عليك القلي وسحبي الورقة فيكي تحطي ٤ قطع او ٦ مع بعض وتقلبي بإستمرار لحتى ياخدوا لون دهبي طبعا بدك تكوني محمية زيت نظيف على حرارة وسط لا تخليه يغلي🤦♀️ اول ما ببلش يبقبق الزيت نزلي بوحدة بشرط ما تاخذ لون دغري يعني بتبلش تبقبق وتنفش على مهل بس لنخلص قلي بمحارم مطبخ منصفيها صوص الشوكولا فيكي تستخدمي شوكولا دهن تسيحيها شي ٣٠ ثانية بالمكرويف او الطريقة يلي انا عملتها كاسة مياة ملعقة كبيرة معرمة نشا ملعقتين كبار كاكاو خام ملعقتين او ثلاث ملاعق كبار سكر مندوبهم على بارد بعدين على النار وسط لحتى يعطوا سماكة بعدين منضيف فوق منهم ملعقتين كبار كرمال تعزيز النكهة والقوام منتركوا على جنب ليبرد بعدين منغمس القطع بالسكر والقرفة وبالشوكولا وصحتين وهنا ❤❤❤
@user-dd4wo6hg3y
Ай бұрын
❤❤❤❤❤
@Aldemshkekitchen
Ай бұрын
@@user-dd4wo6hg3y 💝💝💝💝
@Basant77
Ай бұрын
ماشاء الله راااااائع 🎉❤ صباح الورد 🌹 يدوم التواصل
@Aldemshkekitchen
Ай бұрын
@@Basant77 تسلمي يارب ان شاءالله صباح الفل ..يدوم التواصل 💝💝💝💝
@M.Z_8
Ай бұрын
عن جد افكارك حلوة ، الله يسلم هالايدين ❤
@Aldemshkekitchen
Ай бұрын
@@M.Z_8 الله يسلمك يارب شكرا كتير 💝💝
@MaryamBatul-bk3oc
Ай бұрын
الله يسلملنا هالديااااات الحلوة شكرااا كتيررر لانك عملتيلنا الوصفة الطيبة هيدي انا بحبها كتيير ودايما كنت اشتريها وما كنت بعرف كيف بيعملوها بس هلا علمتينا ياها وصار فينا نعملهااا شكرااا كتيييررر ❤❤❤❤❤
@Aldemshkekitchen
Ай бұрын
@@MaryamBatul-bk3oc حبيبة قلبي انتي لا شكر على واجب وهلق اكيد صارت عندك فيكي تعمليها ان شاءالله بسهولة العفو حبيبتي 😘❤️❤️❤️❤️❤️
Пікірлер: 9